Uztailaren 22tik 29ra ipar haizea, egun hodeitsuak eta garai honetako tenperaturak baino bataz besteko baxuagoak izan genituen. Prezipitazioak batez ere kantauriar eragineko eremuetan eta Pirinioetako zonetan izan ziren.

Erkidego osoan izandako eguraldi freskoa medio, aurrerapen fenologikoa erakusten zuten baratza batzuetan garapena moteldu egin zen, nahiz eta landareek itxura ona izan eta garai hauetako fase fenologikoetan aurkitzen diren.

Lehorreko sailetan, euria ia pasadizozkoa izan denez, zerealak eta lekadunak biltzeko kanpaina amaitzen ari da. Ipar-mendebaldeko eskualdean eta Pirinioetako zonan, barietatea biderkatzeko patata-laborantzek eta artaberdeek nahiz belar-soro eta larrediek gustura hartu dituzte prezipitazioak. Isurialde kantauriarrean oso garrantzitsuak izan dira; zona askotan, gainera, metro karratuko 100 litrotik gora erregistratu dira.