Pasa den uztaila Nafarroan garai honetan izan ohi dena baino hotzagoa izan zen. Tenperaturak bataz besteko historikoa baino 1-3 gradu baxuagoak izan ziren, zonen arabera. Prezipitazioak irregularki banatu ziren lurraldean zehar: iparraldean hezetasuna nagusitu zen; hegoaldean, lehorra. Urtegien edukiera ehunekoetan 15 puntu jaitsi zen aurreko hilabetearekin alderatuta; hau da, %68tik %53ra.

Bataz besteko historikoarekiko tenperatura-aldeak gehiago nabarmendu ziren Erkidegoaren erdialdeko zonan, -2º eta -3,2º zentigradu artean. Azken alde hori Zubirin eta Ilundainen gertatu zen. Nafarroako gainerako tokietan, aldeak -1º eta -2,8º zentigradu artekoak izan ziren.

Pasa den hilabeteko tenperaturen beste ezaugarri bat denbora laburrean gertatutako kontraste handiak izan ziren. Uztailaren 8an, behatoki gehienetan 10º zentigradu ingurukoak izan ziren tenperatura baxuenak, eta, handik bi egunera, hilaren 10ean, termometroak 18º-tik ez ziren jaitsi; gainera, 35º gainditu ziren estazio askotan.

Iparraldean, prezipitazioak bataz besteko historikoaren gainetik izan ziren. Artikutza, Lesaka San-Anton edo Goizuetako estazioetan, esperotako bataz besteko balioak bikoiztu ziren. Erkidegoaren hego aldera, aldiz, prezipitazioak bataz besteko historikoa baino baxuagoak izan ziren. Aragoi ibaiko erriberako erdiko eta goiko zonetan, %15 eta %50 arteko balioak erregistratu ziren. Hegoaldean, balioak esperotakoen azpitik kokatu ziren; hots, %50 eta %85 artean. Salbuespen gisa, Erriberan Cabanillas nabarmendu daiteke, prezipitazioa %121ekoa izateagatik.