Nafarroako Gobernuak erabat gaitzetsi ditu ETA banda terroristako kideak omentzeko ekitaldiak, atzo, Leitzako zaindariaren jaien hasieran egindakoak. Terroristen argazkiak eta haien aldeko banderak erakutsi zituzten, Udaletxean nahiz jaien hasierako suziria jaurtiko zen plazan. Horrez gain, zenbait txanodunek pankarta handia kokatu zuten esparru horretan.

Nafarroako Gobernuarentzat "gaitzesgarriak" dira ekintza horiek, jai-ekintza bat legaltasunik ezetik hurbil dagoen terrorismoaren omenaldi bihurtu zutenak. Gobernua, halaber, Leitzako Udalak, egiteagatik edo ez egiteagatik, terrorismoaren biktimei eta bereziki ETAren biktimak diren leitzarrei egindako apalkuntza baimentzeak atsekabetu du.

Hori horrela, Foruzaingoari gertaera horiek ikertzea eta Udal honetako Sinboloen Legea betetzen duen aztertzea eskatu dio.

Poliziaren informazio hori bilduta, Nafarroako Gobernuak atzo Leitzan gertatutakoa deitu izan daitekeen aztertuko du zerbitzu juridikoen bidez, hala badagokio, agintari judizialei jakinarazteko.

Nafarroako Gobernuak terrorismoaren biktimei solidaritatea agertu die, eta ETAk hildakoen oroitzapenekin duen konpromisoa berretsi du.