Lizarrako Karlismoaren Museoak doako bi bisita gidatu eskainiko ditu datorren larunbatean, abuztuaren 13an. Haietako lehenengoa 16:30ean izango da, gaztelaniaz, eta bigarrena, 17:30ean, euskaraz.

Horrez gain, uztailean, abuztuan eta irailean, tarifa osoko edo murriztuko sarrera bat erosiz gero sarrera bat oparituko da Iruñean dagoen Nafarroako Museoa bisitatzeko. Horri erantzuteko, Nafarroako Museoak bere sarrerarekin batera beste sarrera bat oparituko du Karlismoaren Museorako.

Urte honetan zehar, Karlismoaren Museoak doako bisita gidatuak eskaini ditu hilabete guztietan, oro har, hil bakoitzaren lehen larunbatean, eta zenbait jai direla eta. Egutegi osoa web orrian kontsulta daiteke: www.museodelcarlismo.navarra.es

Karlismoaren Museoa Gobernadorearen Jauregia gisa ezaguna den XVII. mendeko eraikin batean kokatuta dago, eta funtsezko helburu moduan hauek ditu: ondarea berreskuratzea, ikertzea eta mugimendu politiko hori hedatzea. Publikoarentzat oro har nahiz espezializatuarentzat da, eta dokumentazio zentroa ere badu. Erakusketa iraunkorrean karlismoaren historia ikus daiteke, hasi zenetik 1939. urtera arte, zortzi arlotan; haietatik, zazpi, kronologikoak.