Datorren ostiralean, abuztuak 26, egun Nafarroako Museoko aldi baterako erakusketa-gelan dagoen Calignometrias aldi baterako bildumako egile Koldo Sebastianek, bere obraren berri emango die ONCEko eta Nafarroako Erretina Elkarteko hogei bat kideri.

Duela bi hamarkada baino gehiagotik, museoaren nahia bere bildumak era guztietako bisitariei hurbiltzea da, ezintasunen bat duten pertsonei arreta berezia eskainiz. Izan ere, erakunde horren eta ONCEren arteko harreman bat dago eta, horri esker, zenbait kultur proposamen gauzatu ahal izan dira.

Calignometrias (angelu -gnom- perfektuaren –cali- neurriak, -metrías-), Koldo Sebastian artista nafarrak azken 10 urteotan egindako sorkuntza plastiko bat eta, horretarako, bi faktore erabili ditu: alde batetik, sorta honen planteamendu kromatiko guztiari eusten dioten hiru koloreren hautaketa (gris pizarroa, zuri zinka eta itzal naturala), eta inspirazio-iturria Creusko Lurmuturreko (Girona) haitzen tonuetan topatzen duena. Bestetik, hiru dimentsio geometrikoek osatzen dutena (plano baten aldea, haren erdia eta lauren bat) eta puntu, linea, plano nahiz bolumenen harremana, eta haietatik abiatuz 90 gradutako angeluarekin elkar eragiten dutenak.

Haren emaitzak, bi dimentsiokoak nahiz hirukoak, honako era honetan ulertu behar dira: "jolas-bokazioa duen jolas moduan; bertan, itxura organiko eta elementu arrazionalen osagaien bat-egitetik abiatuta, emaitza plastiko bat lortzeko asmoa dago, non zenbakia nahiz neurria bezain garrantzitsuak diren zehaztugabea eta difusoa dena".

Nafarroako Museoan egingo den saioak bi zati izango du: lehenengoa tailer bat izango da, eta ordubetez bertan lan egingo dute Calignometrias sortaren oinarrizko gakoen pertzepzioaren inguruan, hainbat jarduera sentsorial erabiliz. Koldo Sebastianek, horretarako, manipula daitezkeen material batzuk prestatu ditu, eta haiekin erakusketako sorkuntza-prozesuak birsortu ahal izango dira.