Castellano | Euskara | Français | English

Bilatzaile erabili!

Ikusi egun honetako albiste gehiago

Nafarroako Gobernuak baimendutako inguru naturaletan bakarrik bainatzeko gomendioa egin du

asteartea, 2011.eko abuztuak 23

Foru Erkidegoko hamar tokitan uren kalitatearen kontrola egiten da, Europako arauei jarraiki

Nafarroako Gobernuak bainurako diren eta Europako arauei jarraiki uren kalitatearen kontrola egina duten ibaietan eta urtegietan bakarrik bainatzeko gomendioa egin du. Nafarroako Gobernuak gomendioa egin du joan den larunbatean Eugiko urtegian adingabe bat eta, atzo, Arga ibaian, Azkoiengo bizilagun bat ito zirelako.  Nafarroako Gobernuak gogorarazi du ur plublikoetan bainua hartzea borondatezkoa dela eta, hala eginez gero, arreta handiz ibili behar dela.

Nafarroako ibai eta urtegietan bainua hartzeko hamar gune natural daude. Inguru horietako uraren kalitatea (uraren purutasuna eta ingurua erabilera horretara egokiturik dagoela) aldizka aztertzen du Foru Administrazioak. Administrazioak bainu denboraldia ere ezarri du Nafarroako Foru Erkidegoko gune horietan: 2011ko uztailaren 11tik abuztuaren 31ra Erkidegoko baldintza meteorolgiko espezifikoak direla eta.

Nafarroako Gobernuak gogoratu du ez dagoela araurik jabari publikoko guneetan bainularien segurtasuna zaintzeko. Hortaz, ur publikoetan bainua hartzea borondatezkoa da, alor horren inguruan dagoen jurisprudentziaren arabera. Uztailaren 20ko Legegintzako 1/2001 Errege Dekretuko 50. artikuluaren arabera, "guztiek erabil ditzakete azaleko urak, edateko, bainatzeko eta etxean erabiltzeko, administrazioaren baimenaren beharrik izan gabe, baldin eta ur horiek ibilgu naturaletatik iragaten badira". Bainatzeko guneak, aldiz, Europako direktibek arautzen dituzte. Horien helburua uren kalitatea bainularientzat behar bestekoa dela bermatzea da. Europako arau horrek ez du bainularien segurtasuna bermatzen, ezta haien zaintzaren inguruko betebeharrik ezartzen ere. Beraz, ez Foruzaingoak, ez Ingurumena zaintzeko langileek, ezta segurtasuneko edo larrialdietako beste edozein taldek ere ez dute Nafarroako bainulariak zaintzeko ardurarik.

Hauek dira Foru Erkidegoko bainurako hamar guneak:

• Ameskoabarren: Urederra ibaiko "la Central" delakoa
• Burgi: Eska ibaiko presa
• Zarrakaztelu: Aragoi ibaiko presa
• Lizarra: Ur gaziko iturburuko "la Pileta" delakoa
• Beriain: "la Morea" urmaela
• Gesalatz: Allozko urtegiko "pieza redonda" delakoa
• Nabaskoze: Benasako arroilako ibaian dagoen igerilekua
• Otsagabia: Anduña ibaian dagoen igerilekua
• Tutera: El Pulguer putzua
• Uztarroze: Uztarroze ibaian dagoen igerilekua

Aldizka eta bainurako garaian aztertzen den uraren kalitatearen inguruko informazioa Bainurako Uren Sistema Nazionalaren  bidez eskura daiteke (http://nayade.msc.es). Une honetan eskura dauden datuen arabera, Nafarroako gune guztiak daude baimendura bainurako, Lizarrako "la Pileta" delakoa izan ezik, idortuta dagoelako.

Prentsa oharra:

Albiste hau osorik izan nahi baduzu PDF artxibo batean sakatu hemen

Jar zaitez gurekin harremanetan | Erabilerraztasuna | Lege abisua | Webaren mapa