Abuztuaren 19tik 26ra bitarteko aldian egun eguzkitsuak, sargoria eta garaiak berezko dituenak baino tenperatura altuagoak nagusitu ziren; hala ere, azken bi egunetan gure lurraldetik igarotako fronte hotz batek termometroak jaitsi eta euri pixka bat utzi zuen.

Bero handiak tenperatura maximoen batezbestekoa, 30ºC, gainditu zuen behatoki gehienetan; izan ere, egun batzuetan tenperaturak 35º eta 40º artekoak izatera iritsi ziren. Maximoen eta minimoen arteko batezbestekoak 23º eta 27ºC-ren artean egon ziren, hau da, garaiari dagokiona baino 3º edo 4º C gehiago.

Azken asteetan erregistratu diren tenperatura altuek eta euririk ez egiteak udako laborantza ureztatuak lehenago heltzea eragin dute eta, ondorioz, uzta biltzeko lanak areagotu egin dira. Horrekin batera, udazken-neguko laborantzetako ereintzek eta landaketek bero hau aprobetxatzen dute, ureztapen egokiekin sinergian, laborea ondo ezartzea lortzeko.

Alderantziz, lehorreko laborantzak (ekilorea, bazka-artoa, beranduko patata, belardiak eta larreak) baldintza klimatiko hauekin sufritzen ari dira eta lurraren lehortasunak atzeratu egin ditu hurrengo ereintza-geruza prestatzeko lanak atzeratu ditu, sasoi hobeagoen zain.