Nafarroako Lehendakari Yolanda Barcinak gaur iragarri duenez, Nafarroako Gobernuak neurriak hartuko ditu "Nafarroako kale, plaza eta eraikinak kriminalak goresteko eta gure errealitatea ez desitxuratzeko erabil ez daitezen".

Barcinak adierazi du udan zehar pintadak eta leloak ikusi direla ETA talde terroristako presoak goratuz. "Biktimen nahiz demokraten senideak irainduz eraikin publiko, kirol-instalazio eta udaletxean bertan ere ageri diren pankartak, pintadak eta leloak, eta ia beti beste erkidego bateko banderarekin agertzen direnak, asko errespetatzen dugun bandera, baina gurea ez dena", baieztatu du. Alde horretatik, ohartarazi du "probokazioaren aurrean, guk Legea aplikatuko dugula".

Barcinak adierazpen horiek egin ditu gobernuko bilkura baten ondoren. Bertan Gobernuak bide publikoan "zigorgabetasun-espazioak" ekiditeko era aztertu du. Neurri zehatzak laster batean jakinaraziko dira.