Nafarroako Gobernuak Balio Erantsiaren Zergaren (BEZ) aldaketa bat onartu du gaurko bilkuran; haren bidez, etxebizitzarako diren higiezinak ematean izugarri murriztu den% 4ko tipoan ordainduko dira zergak, orain arte indarrean zegoen % 8aren ordez. Tipo berria 2011ko abuztuaren 20tik abenduaren 31 arte indarrean izango da.

Balio Erantsiaren Zergaren (BEZ) 19/1992 Foru Legearen aldaketa hori Nafarroan BEZaren zerga-ordainketa harmonizatzeko egin da Espainiako Gobernuak erregimen bateratuaren legedian egindako aldaketekin, Foru Erkidego eta Estatuaren arteko Itun Ekonomikoak ezartzen duenaren arabera.

Nafarroako Ekonomia eta Ogasun Departamentuaren aburuz, "aldaketa horrek Foru Erkidegoaren zerga-bilketan izango duen eragina era fidagarrian kalkulatzea oso zaila da; izan ere, ezinezkoa da jakitea bultzadak zer eragin izango duen etxebizitzak erosteko orduan eta, ondorioz, bildutako BEZan, kontuan hartuz, gainera, neurriak aldi baterako zer izaera duen; ia lau hilabete".

Gaurko bilkurako akordio horretan bertan, Nafarroako Gobernuak beste aldaketa bat sartu du BEZaren foru-legean, azken hori erabat nominala; hala, Estatuko Loterien eta Apustuen Erakunde Nazionalari" buruzko erreferentziaren ordez "Estatuko Loterien eta Apustuen Estatuko Sozietatea" jarri behar da, hau baita erakunde horren izen berria, eta "tasak" hitzaren ordez, "jokoaren gaineko zergak". Aldaketa horrek zerga-bilketan ez du eraginik.