Lodz-eko probintzia poloniarreko ordezkaritza bat Nafarroan izan zen iragan abuztuaren 31n eta irailaren 1ean Nafarroako Gobernuak garatzen duen industria-berrikuntzan zer politika dun ezagutzeko eta, zehazki, enpresa, teknologia-zentro eta unibertsitateen arteko kooperazio-programak ezagutzeko. Bisita Foru Erkidegoak parte hartzen duen Making Knowledge Work proiektu europarrean aurreikusitako jardueren barnean kokatzen da.

2008 eta 2010 artean, Nafarroako Gobernuak I+G+b-ren barnean dauden 40 proiektu finantzatu ditu programa honetan, eta ordezkaritza poloniarreko kideek proiektu horietako zenbaiten emaitzak ezagutu ahal izan zituzten: Elikagaien Teknologia eta Segurtasunerako Zentro Nazionalaren (CNTA) "Elikagai funtzionalak"; AH Asociados enpresaren "Nanocons", eta Nafarroako Unibertsitate Publikoaren "Eguzki-irradiantzia".

Making Knowlegde Work proiektua Europako Eskualdeen Garapenerako Funtsak (FEDER) kofinantzatzen du eta Eindhoven eskualde holandarra da buru; bertan Europako beste 12 eskualdetako kideek parte hartzen dute. Proiektu honen barnean, Flandia (Belgika), Nord Pas de Calais (Frantzia), North-West (Erresuma Batua) eta Kujawsko-Pomorskie (Polonia) eskualde europarretako ordezkariek 2010eko azaroan Nafarroa bisitatu zuten.

Nafarroako Gobernuak, gainera, INTERREG IVC:Euris programak kofinantzatutako beste bi ekimenetan parte hartzen du, berrikuntza irekiaren esparruan esperientziak nahiz politikak trukatzeko bideratuta dudenak, eta arlo horretan Nafarroako Gobernua buru da; eta "Scinnopoli", berrikuntza-politiken eraginaren neurketarekin lotutako ohitura onen transferentziak oinarritutakoa (Foru Gobernua bertako kide da).