Nafarroa eta Espainiako gobernuek ikerkuntza aplikatuko proiektu pilotu bat abian jartzeko erabakia hartu dute autonomia pertsonala sustatzeko eta Foru Erkidegoan menpekotasuna prebenitzeko.

Gizarte Politika, Berdintasun, Kirol eta Gazteria Departamentuko kontseilari Elena Torresek Osasun, Gizarte Politika eta Berdintasuneko ministro Leire Pajín-i planteatutako ekimenak Gobernu Zentralaren babesa jaso du. Gobernu Zentralak, ekimena abian jartzeko, konpromisoa hartu du elkarrekin lan egiteko eta ondoren beste autonomia erkidego batzuetara zabaltzeko.

Proiektua Foru Gobernuaren mende dagoen Kirolaren Azterlan, Ikerketa eta Medikuntzako Zentroan garatuko zen; hark, jada, programa zehatzak ditu, adin nagusikoen osasuna zaintzeko, umeen obesitatearentzat, bularreko minbiziarentzat, eta bihotzekoren bat izan duten pertsonei arreta eskaintzeko.

Autonomia pertsonala sustatzeko eta menpekotasuna prebenitzeko proposatu den programa berri horren xedea, pertsonen bizi-kalitatea hobetzea da, prebentzio-arloan eta autonomiaren sustapenean jardutea eta, hortaz, kostu soziosanitarioak aurreztea.

2011ko uztailaren 31n, 14.173 pertsona menpekotasuneko zerbitzuaz baliatzen zen Nafarroan. "Foru Erkidegoak –kontseilariak gogora ekarri duenez- estatuko legeak adierazten duena baino arreta-maila handiagoak ditu".