Yolanda Barcina Angulo Nafarroako Lehendakariak Moderna Ekintzailearen Bekak emateko ekitaldiaren buru izan da gaur goizean. Beka horiek Nafarroako Gobernuak ematen ditu proiektu berritzaileak dituzten enpresen sorrera pizteko, eta bigarren edizio honetan 35 ekintzaile hartu dute 31 enpresako 31 proiektu berritarako. Guztira, bekak 582.000 eurokoak dira.

Barcina Lehendakariak bere agerraldian adierazi duenez, "gure helburua sektore estrategikoetan enpresa berritzaileen sorrera sustatzea da; gaitasun handiko eta lan-esperientziako profiletan ekintzailetza piztea; enplegu gaitua do balio erantsia sortzea, eta ekiteko erabakia sustatzea. Ildo horretatik, beka horien bigarren edizio honek arrakasta handia izan duela esan dezakegu, aurten gehiago zaretelako, 31 proiekturekin; iaz, 26 eman ziren".

Bekak emateko ekitaldia Nafarroako Jauregiko Tronu Aretoan burutu da, eta Lehendakariarekin batera, honako hauek izan dira: Álvaro Miranda Simavilla bigarren lehendakariordea eta Ekonomia eta Ogasun departamentuko kontseilaria; Lourdes Goicoechea Zubelzu Landa Garapen, Industria, Enplegu eta Ingurumen Departamentuko kontseilaria eta Carmen Leza Villar CEINeko zuzendari-gerentea.

Moderna Ekintzailearen Beka Nafarroako Moderna Planaren helburuen barnean sartzen den ekimena da, kalitatezko enplegua sortuko duen eskualde aberatsago bat lortu ahal izateko. Ekimena 2010ean abian jarri zen Nafarroako Enpresa eta Berrikuntzarako Europako Zentroaren (CEIN) laguntzarekin. Horren emaitzaren ondorioz, aurreko edizioan 41 enplegu sortu dituzten 18 enpresa eratu ziren, eta hasierako inbertsio globala 1.360.180 eurokoa izan da.

Everis eta MTorres enpresak izan dira Moderna Ekintzailearen Beka honen bigarren deialdi honen babesleak, eta onuradunei laguntza-programa osoago bat eskaintzen die. Bederatzi hilabetez 2.000 euro arteko esleipen ekonomikoaz gain, prestakuntza sartzen da IESEk emandako enpresa-kudeaketan eta ekintzaileei laguntzen dien CEINeko irakasle pertsonal bat (finantzaketa bilatzen, adibidez); baita CEINen instalazioetan erabilera esklusiboko langune bat erabiltzea eta prestakuntzako ibilbide pertsonalizatu bat enpresa-kudeaketa eta lehia digitalen alorrean ere. Aurten sartutako beste hobekuntza bat lan-metodologia berri baten inplementazioa da enpresak sortu eta merkatuan jartzeko, CEINek diseinatutakoa eta Metodologia Arinak, Ekintzailetza arina ereduan oinarritutakoa. Gainera, edizio honetan, bekatutako bi proiektuk programaren egungo babesleak izango dituzte aholkulari: Everis-ek Jesús Martínezek sustatutako Nitio Technology Solutions, enpresaren babeslea da, eta MTorres-ek Ainhoa Estenoz Abendaño eta José Cruz Pérez Pi-k sustatutako Dime: guztientzako teknologia,  babesten du.