Nafarroako Gobernuak errepideen foru-sarean energia aurrezteko neurri-sorta bat abian jarriko du gaur gauean eta, batez ere, tunelak egokitzeko zonaldeetako argiztapenari eragingo dio (tuneletara sartzeko hasierako metroak, eta baita irteerakoak ere bi noranzko baditu), bai eta Iruñeko Ekialdeko Ingurabideko egungo argiztapenari ere.

Neurri horrekin urtean 333.000 euro aurreztuko dela kalkulatzen da eta, horri esker, ingurumen-baldintzetan, orduko urtean 2.091.000 kilowatt-eko energia aurreztea.

Tuneletan egin beharreko jarduerei dagokienez, egungo argi-errefortzuak kenduko dira aldi lainotsuetan tunelak egokitzeko zonalde guztietan, Belate, Almandoz, Bera eta Sunbillan salbu. Nolanahi ere, gaueko argiztapena ez da gutxituko tuneletako zonalde batean ere.

Iruñeko Ekialdeko Ingurabidean,erdibitzailearen argiztapena murriztuko da Cordovilla eta NA-150 errepidearen elkarguneko biribilgunearen artean (Olatz eta Itaroa arteko saihesbidearen artean). Erdibitzailearen gainerako argiak gauerdia eta goizaldeko 05:00ak artean itzaliko dira, trafikoaren intentsitatea asko jaisten den uneekin bat eginez. Dena den, Ingurabideko lotuneen argi guztiak piztuta segituko dute gau osoan, bide-segurtasuneko puntu kritikoenak baitira.

Zifrei dagokienez, neurri horrekin tuneletako egokitzapen-zonaldeetako 1.523 proiektore itzaliko dira, eta 202 argi Iruñeko Ekialdeko Ingurabidean (404 argi 00:00ak eta 05:00ak arteko denbora-tarteetarako).

Aurrezki-plan hori egin aurretik, Sustapen eta Etxebizitza Departamentuko Zaintza Zerbitzuak zenbait argiztapen-proba egin ditu tuneletan nahiz Iruñeko Ekialdeko Ingurabidean.