Nafarroako Ospitale Guneko Prebentzioko Medikuntzako medikuak Pazientearen Segurtasunari buruzko Nazioarteko VI. Konferentziaren amaiera-ekitaldian izango dira gaur arratsaldean. Ekitaldian, iragan maiatzaren 5eko Esku Higienearen Munduko Jardunaldiko ideien lehiaketako sari-banaketa egingo da; lehiaketa horretan Nafarroak bigarren saria eskuratu zuen eta proiektuaren zuzendari Javier Gost Garde-k jasoko du saria.

Ekimen hori "Preventronic 5.5" izeneko makina edo aparatu teknologiko baten itxurako egitura bat instalatzean zetzan, prebentzioari lotutako izaera teknologiko horri egiten zaion ironiazko aipamen modura. Makinarekin batera, osasun-langile baten antza hartzen zuen arropaz jantzitako aktore batek, inguruan zebilen jendea erakartzen zuen eta "gaitzak saihesteko balio" duen aparatu "berritzaile" eta "iraultzaile" horren onurak probatzeko aukera ematen zion.

Behin barruan sartuta, parte hartzen duen publikoak benetako osasun-langile batekin topatzen zen, eta hark eskuak garbitzeko prozedura zuzena erakusten zion; horretarako, oinarri alkoholduneko soluzioko euskarri bat zuen, bai eta maletatxo bat ere bakterio-simulagailu batekin eta argi fluoreszentearekin.

Ekimenaren helburua zen, osasun-langileak eta biztanleria, oro har, higiene-ohitura horrek duen garrantziaz kontzientziatzea, bere sinpletasuna azpimarratuz eta orokortuta dagoen ideia bati aurre eginez, hau da, medikuntzan aurrerapenak dakartzan neurri ia guztiak egitura teknologiko konplexuetatik edo ikerketa zientifikoetatik datozela.

Lehiaketa Osasun Sistema Nazionaleko Esku Higiene Programaren talde koordinatzaileak antolatzen du, eta talde hori autonomia erkidego guztietako ordezkariek eta Kalitate Agentziak osatzen dute. Nafarroako ekimena azken faserako hautatu ziren beste 36 proiekturekin lehiatu zen.