Nafarroako Gobernuak Foru Erkidegoaren sorkuntza-industriako enpresen etorkizunari buruzko eztabaida antolatu du Nafarroako Enpresa eta Berrikuntzarako Europako Zentroaren (CEIN) bidez. Ehun bat enpresa inguruk parte hartzea aurreikusita dagoen topaketa hori, datorren urriaren 27an egingo da CEINen egoitzan, Ekintzailearen Egunaren baitan antolatu diren ekitaldien barruan.

Sorkuntza-enpresak dira, osagai nagusi gisa sorkuntza eta kapital intelektuala duten diseinu, ekoizpen eta ondasun nahiz zerbitzuak jorratzen dituztenak. Sektorearen barnean daude: publizitatea, arkitektura, artearen merkatua, eskulangintza, diseinua, moda, zinema eta bideoa, musika, arte eszenikoak, irratia eta telebista, eta entretenimenduko software-a.

Topaketaren ikastaroan CEINek 2011n landutako "Nafarroako Sorkuntza Industriei buruzko Diagnostiko Estrategiko"-aren emaitzak ezagutzera emango dira. Bertan sektore horretako 60 enpresak baino gehiagok parte hartu dute, eta erkidegoko sorkuntza-ekonomikoaren posizioa aztertzen da, bai eta etorkizuneko garapenerako izan daitezkeen jarduera-ildoak ere.

Nafarroan, azterketako lagin parte-hartzailearen arabera, sektore hori bost langile baino gutxiagoko enpresa txikiek osatzen dute bereziki (% 65,5), eta beran nagusitzen dira, batez ere: diseinu grafikoa (% 27,5), sorkuntza artistikoa (% 21), moda-diseinua (% 14,7) eta ikus-entzunezko ekoizpena (% 8). Gainerako jarduerak –arkitektura, hirigintza, prestakuntza edo edizioa– ez dira hain esanguratsuak. Erkidegoan eta alboko erkidegoetan egiten dute lan bereziki, eta % 13k soilik jo dute nazioarteko merkatura.