Nafarroako Gobernua lanean ari da "neurri nabarmen eta zehatz" sorta bat abian jarri eta, hala, gazte ekintzaileei beren enpresa berriak abian jartzen laguntzeko. Neurri horien artean, alde batetik, egiten diren inbertsioen % 50 diruz laguntzea planteatzen da, eta bestetik, 30 urte baino gutxiagoko pertsonek sortutako enpresetarako gizarte-segurantzako kuoten kostuaren % 50a diruz laguntzea, negozio-plan sendo bat eta lanpostuak bi urtez mantentzeko konpromisoa hartzen dutenak.

Hala iragarri du gaur goizean Landa Garapen, Industria, Enplegu eta Ingurumen Departamentuko kontseilari Lourdes Goicoechea Zubelzuk Nafarroako Ekintzailearen Egunaren inaugurazioan. Ekitaldi hori Gobernuak antolatzen du Nafarroako Enpresa eta Berrikuntzarako Europako Zentroa (CEIN) enpresa publikoaren bitartez, eta bere diskurtsoan adierazi duenez, "krisia atzean uzteko espiritu ekintzailea sustatu behar da".

Industria eta Enplegu arloetako titularrak azaldu duenez, neurri horiez gain, Nafarroako Gobernuak ekimenak ezarri ditu enpresa berritzaileak abian jartzeko orduan ekintzaile berriei lagundu ahal izateko. 2011ko irailaren 30era arte, 85 enpresa berri sortu dira (haietako 20 izaera berritzailekoak dira), 192 lanpostu sortu dituzte eta 5,4 milioi euroko inbertsioa egitea eragin dute.

Zifra horrek 2010ean sortutako enpresa guztien kopurua gainditu du: 65 enpresa; 126 enplegu sortu dituzte eta 4,1 milioi euroko inbertsioa egin da. Ekimen ekintzailerako laguntza-jarduera Cein erakunde publikoaren bidez egiten da.