Nafarroan 28 pertsona hil ziren 2011n izandako trafiko-istripuetan, Nafarroako Gobernuak egindako balantzearen arabera. Kopuru hori % 28 txikiagoa da, 2010ean izandako heriotza-kopuruarekin alderatuz; urte hartan 39 izan ziren.

Abenduan 4 pertsona hil ziren Foru Erkidegoko herri barruko bideetan eta hiriarteko bideetan izandako istripuetan. Kopuru horren barnean abenduaren 28an hil zen ziklista bat dago, autopsiaren emaitzak jakiteko zain.

2011ko abenduan 337 trafiko-istripu izan ziren, haietatik 300 hiriarteko bideetan eta 37 herri barrukoetan eta, istripu horien ondorioz, 4 pertsona hiltzeaz gain, 5 zauritu larri eta 20 arin izan ziren.

2010eko abenduarekin alderatuz, Nafarroan gertatutako trafiko-istripuen kopurua % 9 igo zen, aldi horretan 306 istripu izan baitziren (271 hiriarteko bideetan eta 34 herri barrukoetan). Hildakoen kopurua bikoiztu egin zen (2010ean, 2 eta 2011n, 4), eta larri zauritutakoak, berriz, 10 izan ziren 2010ean eta 5, 2011n.