2011n Nafarroako Gobernuak irakasleentzako 300 prestakuntza-ekintza antolatu ditu, Hezkuntza Departamentuak aurkeztutako Prestakuntza Planaren barnean eta, guztira, bertaratze eta partaidetzako 8.937 ziurtagiri eman ditu.

Ahalegin nagusiak funtzio publikoan sartu berri diren irakasleei arreta emateko bideratuta daude, gehiengoa atzerriko hizkuntzen irakasleak direnak. Arlo honetan, hain zuzen, garatzen ari da Haur eta Lehen Hezkuntzako ikastetxe publikoetan ingelesaren irakaskuntza hobetzeko Plana; haren arabera, 20 ikastetxe eleaniztun baino gehiagok ikastetxe horietan, maila eta zeregin berrietan sartutako irakasle berriak prestatzen dituzte.

Egin diren beste jarduera-ildo batzuk kalitatezko sareak dira; haietan Nafarroako 100 ikastetxetik gora parte hartzen dute. Kalitate-sare horiek hezkuntza-eredu guztietako irakasle-kopuru handi bat prestatzen eta haien lana bultzatzen laguntzen dute. Lan hori iragan abenduaren 21ean aitortu zen Nafarroako Jauregian egindako ekitaldi batean. Gainera, ikastetxeetako bizikidetza-klima etengabe hobetzeko jarduerak nabarmentzen dira. Haietan 20 klaustrok baino gehiagok parte hartzen du, maila partikularrean hainbat irakaslerekin batera.

Lanbide Heziketako ikastaro espezifikoak prestakuntza jarraituaren beste sektore bat dira, irakurmena, eskoletako liburutegiak edo teknologia berriak bezalako beste alderdi batzuk ahaztu gabe Integratic proiektuaren barnean; proiektu honetan Lehen Hezkuntzako ikastetxeek laguntzen eta parte hartzen dute.