Guztira 2.562 ibilgailuren pisua kontrolatu zen iaz Foru Erkidegoko errepideetan. Kontrol horren ondorioz, 388 ibilgailuk zigorra jaso eta haietako 40 ibilgetu ziren.

Zigorra jasotzeko arrazoi nagusiak gehiegizko pisua (124 ibilgailu) eta gidatzeari nahiz atsedenari lotutako arau-hausteak izan ziren (65 ibilgailu). Soilik 5 ibilgailu zigortu ziren beren takografoan irregulartasunak antzemateagatik.

Datu horiek adierazten dute ikuskatutako ibilgailuen % 15a azkenean salatuak izan zirela. Portzentaje hori Espainia guztian dagoen batez bestekoa baino txikiagoa da (% 20a zena), eta horregatik Sustapen Ministerioak zorionak eman dizkio Nafarroako Gobernuaren Garraioko Zuzendaritza Nagusiari.

Iraupen luzeko pisu-kanpainak Sustapen Ministerioak (Lurreko Garraio Ikuskaritzako Azpizuzendaritza Nagusia) autonomia erkidegoekin batera antolatzen eta koordinatzen dira, gehiegizko pisua duten ibilgailuek kontrola saihesteko bere ibilbidea alda ez dezaten. Kanpaina horiek hiru egunetan jarraian burutzen dira urtean bi aldiz, maiatzean eta urrian normalean.

Nafarroaren kasuan, kontrolak Foruzaingoak eta Guardia Zibilak egin zituzten, horretarako Imarkoain, Zozaia eta Ribaforadako baskulak erabiliz.