Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Nafarroako Gobernuak mugikorretarako aplikazio bat aurkeztu du, herritarrek edozein motatako gorabeheren berri emateko aukera ematen duena asteartea, 2012.eko urtarrilak 17
Komunikatzeko tresna Internet bidez ere erabil daiteke
Komunikatzeko tresna Internet bidez ere erabil daiteke
(
irudia handitu
)
Nafarroako Gobernuak komunikatzeko tresna bat sortu du, hiritarrek Foru Gobernuari arazoen eta akatsen berri eman edo baliabide publikoak hobetzeko iradokizunak proposatzeko aukera ematen duena.
"Nafarroa osoko Gorabeherak" izeneko aplikazioa asteazken honetan aurkeztuko du Iruñean Guzmán Garmendia Partaidetza eta Teknologia Berrien zuzendari nagusiak, 19:00etan, NAPIko ekitaldien aretoan (Navarreria kalea 39, Iruña).
Horrez gain, Roberto Jiménez lehen presidenteorde eta Lehendakaritzako, Administrazio Publikoetako eta Barneko kontseilariak Nafarroa osoko Gorabeherak aplikazioaren berri emango du Madrilgo HUB negozio-zentroan (Gobernador kalea, 26) egingo den beste aurkezpen publiko batean, ostegunean, urtarrilaren 19an, 20:00etan. Aurkezpena kazetari espezializatuentzat, sektoreko enpresarientzat eta teknologia berrien erabiltzaileentzat izango da, besteak beste.
Bi aurkezpenak Nafarroako Gobernu Irekiaren Twitter kontuaren bidez zabalduko dira #oGob etiketa (edo hashtag-a) erabiliz. Horrez gain, Iruñeako aurkezpena zuzenean eskainiko dute www.navarratv.com web-orriaren bidez.
"Nafarroa osoko Gorabeherak" aplikazioa
"Nafarroa osoko Gorabeherak" aplikazioa doan deskarga daiteke, eta iPhone, Blackberry eta Android sistema operatiboa erabiltzen duten telefono mugikorretarako garatu dute. www.ogob.navarra.es web-orriaren bidez ere sar daiteke bertara.
Euskaraz eta gaztelaniaz dagoen aplikazioari esker, herritarrek edozein motatako arazoen eta akatsen berri eman edo baliabide publikoak hobetzeko iradokizuna egin dezakete. Argazkiak ere txertatu daitezke, eta sistemak berak gorabeherak geolokalizatzen ditu, hau da, mapa batean kokatzen ditu zehazki non dauden jakiteko.
Inf012Navarra bulegoetako langileek hiritarrek aurkeztutako gorabehera guztiak aztertu eta horiek konpontzeko eskumena duen administraziora bidaltzen dituzte.
Gorabeheren hamabi kategoria ezarri dira (garbiketa, bide publikoa, seinaleak, pintadak, altzariak, lorategiak, argiak, garraioa, herritarrentzako arreta, komun publikoak, establezimendu pribatuak, errepideak), eta tresnak jakinarazitako gorabehera guztien historia kontsultatzeko eta hainbat gizarte-saretan erakusteko aukera ematen du.
Zerbitzu berria herritarren eta Foru Administrazioaren arteko komunikatzeko dauden beste bitarteko bat da: herritarren arretarako Inf012Navarra bulegoak, 012 telefonoa, gobierno@navarra.es helbide elektronikoa eta Nafarroako Gobernu Irekiaren Twitter, Facebook, Tuenti eta Google+-eko profilak.
Prentsa oharra:
Albiste hau osorik izan nahi baduzu PDF artxibo batean sakatu hemen
