Nafarroako Lehendakari Yolanda Barcinak eta "la Caixa" nahiz la Caixa fundazioko presidente Isidro Fainé-k lankidetza-hitzarmen bat sinatu dute gaur goizean Iruñean gizarte, hezkuntza, ingurumen eta kultur arloetan. Akordioaren arabera, "la Caixa"-k helburu horietarako 3,5 milioi euro jarriko du 2012an.

Hitzarmenean jarritako helburuen artean azpimarratu behar dira: enpleguaren sustapena zailtasunak dituzten kolektiboen artean; gizarte-bazterketa arintzeko laguntza ematea; jarduerak sustatzea zahartzaro aktiborako; adin nagusikoen menpekotasun-egoeren prebentzioa, eta endekapeneko gaixotasunak dituzten pertsonei eta haien familiarrei arreta ematea

Sinadura-ekitaldian izan dira, Roberto Jiménez eta Álvaro Miranda Nafarroako Gobernuaren lehendakariordeak, eta "la Caixa"-ko zuzendaritzako kide Juan José Muguruza eta Raúl Marqueta.

"la Caixa"-ko presidente Isidro Fainé-rentzat, akordio hau "`la Caixa´-k Nafarroarekin eta bertako herritarrekin irmo inplikatzeko duen asmoa berresteko aukera da. Oso gustura gaude erkidego honetan, eta haren garapenaren aldeko apustua egiten dugu lehentasunezko helburu gisa", adierazi du.

Honako hauek dira "la Caixa"-k Foru Erkidegoaren herritarren beharrekin duen konpromisoaren berri ematen duten zenbait ekimen garrantzitsu:

- Incorpora, zailtasunak dituzten kolektiboen artean enplegua sustatzeko programak 2011n, guztira, 156 lan-munduratze sustatu ditu programari atxikitako 45 enpresa nafarretan.

- Adin nagusiko 3.900 pertsona inguruk parte hartzen dute urtero, autonomia, zahartze osasungarri eta boluntariotzako ekintzak sustatzeko tailerretan eta "la Caixa"-k lankidetza-hitzarmena duen adin nagusientzako 6 zentrotan sustatzen dituenak

- Endekapeneko gaixotasunak dituzten pertsonei eta haien familiarrei arreta integrala emateko programaren barnean lan egiten duen Iruñeko San Juan de Dios ospitaleko taldeak, dagoeneko 916 gaixori eta 2.073 familiarri arreta eman die.

- Jardunbide-ildo horiei erakundeak lagundutako proiektuak gehitu behar dira; proiektu horiek gehitu dira, gizarte-ekimeneko bere deialdien bidez eta, xede horretarako, 248.200 euro inbertitu zen 18 proiektu sustatze aldera.

"la Caixa"-ren gizarte-mailako konpromisoa "la Caixa"-ren bulego-sareak zuzenean bultzatutako 293 gizarte-jarduerekin osatzen da, bere ingurune hurbilenek dituzten beharrei erantzuteko asmoz. Deszentralizatutako gizarte-ekintzan sartutako ekimen horiei laguntzeko, erakundeak 261.000 euro inbertitu zuen 2011n. Gaur egun, "la Caixa"-k 53 bulego ditu Nafarroan eta 192 langile daude bertan.

Drogen kontsumoaren prebentzioa, boluntariotzari emandako laguntza, unibertsitarioen prestakuntza, mikrokredituak ematea, "la Caixa" Gizarte Ekintzaren lehentasunezko beste helburu batzuk dira eta haietan, Nafarroan, ahalegin handia egingo du.