Espainia munduko erreferentzia da nazioarteko merkatuetan lidergoan dauden enpresekin, sektore eolikoari lotutako 100 industria-zentrotik gora, eta haietatik 18 aerosorgailuen muntaia-lantegiak dira, eta 17.900 lanpostu zuzen ditu. Alde horretatik, Alde horretatik, Nafarroako Gobernuak irizten du Espainian instalatutako gaitasunaren egungo soberakina, ekoizpeneko primak kentzeko errege dekretuan emandako arrazoietako bat dena, egoeraren araberakoa dela; beraz, beharrezkoa da I+G+b sektoreari laguntza ematen jarraitzea.

Nafarroa erkidego aitzindaria da energia berriztagarrietan. Bertan sortu zen 1989an sektoreko lehen enpresetako bat (EHN, orain Acciona), eta energi eolikoko lehen aerosorgailuak El Perdon mendian jarri ziren 1994an. Harrezkero, Foru Erkidegoaren energia-balantzeari berriztagarriek egindako ekarpenak nabarmen egin du aurrera, eta 2009tik Nafarroak 2020rako EBak jarritako helburua betetzen du, hau da, energia berriztagarriek azken energia-kontsumoan % 20 baino gehiagoko pisua izan behar dutela. Berriztagarriek sortutako elektrizitatea Nafarroako biztanleek eta bertako enpresek kontsumitutakoarekin lotzen bada, kuota % 80ra heltzen da.

2010ean, Nafarroako energia-faktura 1.942 milioi eurokoa izan zen (lurraldeko BPGaren % 10). Berriztagarrien eta Kogenerazioko energia-ekoizpena 4.413 milioi megawatt/h-koa izan zen, hau da, Nafarroako ekonomiarako 468 milioi euroko diru-sarrera ekarri zuen (BPGren % 2,4). Alderatzeko datuetan, energiaren merkatuak nekazaritza-sektorearen pisu bera du Nafarroan.