Nafarroako Lehendakari Yolanda Barcinak Nafarroako Nekazaritzako Kooperatiben Batasunaren (UCAN) urteko bilerari itxiera eman dio. Berriobeitin egin da eta bertan izan da ere, Nekazaritza, Elikagai eta Ingurumen ministro Miguel Arias Cañete ere.

Bertaratutakoen aurrean, Lehendakariak defendatu du Nafarroan aplikatzen ari diren kooperatibak integratzeko neurriei jarraipena ematea, nekazaritzako elikagaien sektorearen hazkundeari buruz sortzen ari diren mehatxuak gainditzeko xedearekin. Aipatu duenez, "ezinbestekoa" da "behar handiena duen zatia"-ren integrazio handiagoaren alde egitea "ekoizlea den sektorearen zatiaren eskaintzarena dena, nekazaritzako elikagaien balioaren katearen oreka hobetu dadin".

Helburu horretarako, Nafarroako Gobernuak Nafarroako Kooperatibak Integratzeko II. Plan bat lantzeko prozesu bati heldu dio, datozen lau urteei begira. Lehendakariak helarazi du berregituraketa garrantzitsua dela "dimentsioa irabazteko", erronka berriei aurre egiteko eta lehiakorragoa izateko, bai eta egiturak arrazionalizatzeko eta gastuak murrizteko ere.

Yolanda Barcinak balorazio ona egin du 2006-2011 Nafarroako nekazaritzako kooperatibak berregituratzeko jardueren lehen planaren inguruan, 21 erakundek parte hartu zuten 13 bat-egite prozesurekin amaitu zena.

Lehendakariak sektore honek duen indarra azpimarratu du "enpleguaren sortzaile gisa, nahiz eta krisi-garai zailetan bizi", eta "lurraldea antolatzeko duen gaitasuna" ere nabarmendu du. "Nekazaritzako sektorea funtsezkoa, nahitaezkoa da gure garapen ekonomikorako eta gure etorkizunerako", azaldu du Barcinak.

UCANen barnean sektoreko 165 kooperatiba daude, eta urtean 800 milioi bat euro fakturatzen dute. 20.000 bazkide ditu eta Komunitatean zuzenean 1.700 lanpostu sortzen ditu. "Datu horiek Nafarroan zer eragin duzuen argi adierazten digute, zuen proiektuak zer sendotasun duen, eta hura balioan jarri behar dugu", adierazi du.

Lehendakariak gogora ekarri du Nafarroa "esparru askotan bezala" aitzindari ere izan dela kooperatibismoan. Bere jatorria 1902an kokatzen da Tafallan eta Erriberrin. Garai hartan lehen landa-kutxak sortu ziren ongarriak erosteko eta maileguak emateko Raiffeisen sistemarekin, kooperatibismoa autolaguntzaren, autoerantzukizunaren eta autoadministrazioaren printzipioetan oinarritzen duena. "Printzipio horiek indarrean jarraitzen dute 100 urte geroago ere eta, gure aldetik, inplikatutako alderdiekin elkarlanean, sustatzen jarraitu nahi dugu", zehaztu du Barcinak. Hark gogora ekarri du NBEak Kooperatiben Nazioarteko Urtea izendatu duela biztanleak "pobrezia murrizteko, enplegua sortzeko eta gizarteratzeko kooperatiben egungo mugimenduaren laguntza historikoa"-ri buruz kontzientziatzeko, aipatu du.

Lehendakariaren arabera, adierazpen horrek ere "kooperatibaren ereduaren sendotasuna" azpimarratzen du "enpresa-kudeaketarako eta garapen iraunkorrerako benetako aukera gisa".