Nafarroako Gobernuak, datorren ekainean, prestazio handiko Nafarroako korridorearen Castejón eta Cadreita arteko 1.1 azpizatiaren eraikuntza esleituko du. Hala ezagutzera eman du gaur goizean prentsaurrekoan Sustapen eta Etxebizitzako kontseilari Anai Astiz Medrano kontseilariak.

Era horretan, PATaren lehen zatia (Castejón-Villafranca) obretan izango dela aurreikusten da 2012ko abuztutik aurrera, eta 2014. urtean zehar amaituta izango direla. Jakina denez, Castejón-Villafranca lehen zati hori bi azpizatiz osatzen da: Castejón eta Cadreita artean joango dena, eta Cadreita Villafrancarekin lotuko duena; azken honek obrak 2011ko azaroan hasi ziren eta, horrenbestez, PATaren lanei ekin zitzaien Nafarroan.

Administrazio-eskaintzen irekiera iragan apirilaren 3an egin zen hurrengo esleipena, beste aurrerapauso eta bizkortze bat da Nafarroako korridorea Europaz harandiko oinarrizko sarearen ardatz bihurtzeko bidean.

Astiz kontseilariak aipatu duenez, korridore horrek "Nafarroa leku oso onean utziko du beste komunitate batzuen aurrean Europarekiko lotura horretan, horrek dakarrenarekin gure lurraldea dinamizatzeko".

Arrazoi hori dela eta, Sustapen eta Etxebizitza kontseilariak aipatu duenez, "PAT garrantzi eta tamaina handiko proiektu bat da Nafarroarentzat etorkizunerako aukerak zehazteko erabakigarria den une batean", eta gogora ekarri du "ez zaiela aurrekonturik kentzen Nafarroako Gobernuaren beste jarduera batzuei", azkenean Espainiako Gobernuak hartuko baitu bere gain obren kostua.

1.1 azpizatirako lizitazio-aurrekontua 40.014.759,03 eurokoa da, eta proiektua honako honetan datza: 100+000 eta 106+195 puntu kilometrikoen artean 6.195 metro luzeko abiadura handiko lineako plataformaren azpizati bat egitea. Orografia aldakorreko lurretan egingo da Valtierra, Cadreita eta Villafranca udalerrietan, eta malda gehienez ere 15 milarenekoa da.

Proposatutako irtenbidearen oinplanoko ibilbideak bi lerrokadura zuzen eta 14.250 metroko lerrokadura zirkular bat ditu. Zatia hasten da Castejóngo hirigunea atzean utzi ostean, eta lehen zati honetan abiadura handiko linea Nafarroako Autopistarekin (AP-15) paraleloan doa kasik.

104+140 kilometrikoan traza Ebroko Ardatzaren errepidearekin (NA-134) gurutzatzen da, eta puntu horretan malda lur-erauzketan doa, goiko pasabide batekin irtenbidea ematen zaiona. Ondoren, 105+150 puntu kilometrikoan Cuarto Chicoko haranarekin gurutzatzen da, eta horri irtenbidea ematen zaio 135 metro luzeko tunel artifizial batekin.

Halaber, proposatutako ibilbidean trenak aurreratzeko eta geratzeko leku bat jartzea aurreikusita dago 105+263,90 eta 107+874,50 kilometroen artean (Cadreita-Villafranca azpizatia), ihesbideak sartuz puntu horietan.