Nafarroako Lehendakari Yolanda Barcina eta Pirinio Atlantikoetako lehendakari Georges Labazée datorren astean bilduko dira Paben mugaz haraindiko lankidetza-akordioaren jarraipena egiteko. Bi komunitateek akordio hori iaz izenpetu zuten 2011-2014 aldirako, eta lankidetzako hasierako zortzi arlo jasotzen ditu

Aldebiko akordioaren barnean goi-mailako lehen hitzordua da Labazée (2011ko martxoa) eta Barcina (2011ko uztaila) lehendakari izendatu zituztenetik. Nolanahi ere, bi agintariek harreman instituzionalak izan dituzte jada lehendik mugaz haraindiko lankidetza-eremuan, zehazki Pirinioetako Lan Komunitatearen barnean; izan ere, horren barnean dauden bi komunitateak.

Pabeko Parlement de Navarre-n aurreikusita dagoen lan-jardunaldiaren aurretik, Pirinio Atlantikoen Kontseilu Orokorraren egoitza nagusia dena, Barcina eta Labazée lehendakariak Lescar-ko katedralera joango dira, Biarnoko udalerri historiko horretako alkate Christian Laine-rekin batera. Han, 10 :00ak aldera, Nafarroako azken erregeen gorpuzkiak gordetzen dituen nekropolia bisitatuko dute.

11:30ak aldera, Paben jada, Nafarroa eta Pirinio Atlantikoen arteko aldebiko akordioaren jarraipen-bilera egingo da. Labazée lehendakariarekin batera, mugaz haraindiko harremanen arloan lehendakari eskudun Marie-Pierre Cabanne izango da, eta baita alor honetako kontseilari nagusietako bat ere, François Maitia baxenabartarra.

Nafarroako ordezkaritzan, Barcina Lehendakaria buru dela, honako hauek ere izango dira: Kulturako, Turismoko eta Erakunde Harremanetako kontseilari Juan Luis Sánchez de Muniáin; Nazioarteko Harremanetarako zuzendari nagusi Fátima Baigorri; CTPren idazkari nagusi Cristina Arcaya, eta Nafarroako Parlamentuarekiko eta Beste Erakunde Batzuekiko Harremanetarako Zerbitzuko zuzendari José Miguel Gorricho.