Nafarroako Lehendakari Yolanda Barcina Angulok Nafar Ateneoko batzorde berriaren ordezkaritza bati harrera egin dio, iragan urtarrilean berritu zena.

Ateneoko ordezkaritzaren buru bertako lehendakari Jesús María Arlabán Mateos izan zen eta, harekin batera, José Luis Allo Falces lehendakariordea eta Ana Belén Albero Díaz idazkaria.

Zuzendaritza berriko kideek Lehendakariari jarduera-programaren eta erakundearen helburuen berri eman zioten; urtarrilera arte Celina Compains Iribarren izan da erakundearen lehendakaria.

Ateneo Navarro-Nafar Ateneoa1985eko martxoaren 25ean sortu zen, 1932an izen berarekin sortutako erakunde baten espirituarekin: ezagutza zientifikoak eta artistikoak era anitz eta zabal batean sustatu eta zabaltzea bazkideen artean eta baita Nafarroako gizarte guztian ere.Helburu horien arabera, Ateneoa, bere hamabi bokalien bitartez, hainbat jarduera burutzen du: hitzaldiak –gaztelaniaz nahiz euskaraz–, solasaldiak, bideo-forumak, kontzertuak, bidaiak Espainian, Portugalen eta kontinente guztietako hainbat herrialdetan.