Nafarroako Lehendakari Yolanda Barcinak Nafarroako ijitoen komunitateari harrera ofiziala egin dio. Ekitaldia `ijitoen kulturaren hilabete´-aren ospakizunen barnean sartzen da, apirilean ospatzen baitira Herri Ijitoen Nazioarteko Eguna (hilak 8) eta Nafarroako Ijitoen Komunitatearen Eguna (hilak 27). Gainera, apirilaren 14an `Sabicas´ maisuaren heriotza ospatu zen, hura jaio zela ehun urte betetzen direla eta.

Nafarroako ijito-erakundeetako hogei bat ordezkari (La Majarí, La Romaní, San Fermín de los Gitanos, Secretariado Gitano Fundazioa eta Gaz Kalo Federazioa) izan dira Nafarroako Jauregiaren Tronu Aretoan, eta guztien ordezkari María Ángeles Jiménez Grávalos-ek hitz egin du.

Bere agerraldian, Barcina Lehendakariak Hezkuntzak gizarteratze-prozesuan duen funtzioa azpimarratu du, eta ondorengoa adierazi du: "Adin goiztiarretan ikasleen matrikulazioa igotzea lortzen badugu, nahitaezkoen ondorengo ikasketetarako sarbidea eta agertzea nahiz ikasketetako emaitzen hobekuntza eskola-bizitza guztian zehar, lortuko dugu horrek modu oso adierazgarrian bizitzaren beste gai funtsezko batzuetan eragin dezan, etxebizitzan, osasunean edo enpleguan, esaterako". Halaber, aukera baliatu du José Mª Berrio patriarkari bere dolumina transmititzeko semearen heriotza dela eta.

Mª Angeles Jiménez-ek, berriz, nabarmendu du "gaur egun garai zailak bizi ditugula, gizarte-bazterketako txirotasun-adierazleak gora egin dute era kezkagarrian, eta ijitoen komunitatean 14gatik biderkatzen da bazterketa-prozesuengatik kaltetuta ateratzeko aukerak".

Nafarroako ijitoei Arreta Emateko I. Plan Integrala 2011-2014ko jarraipen-batzordea osatzen duten Nafarroako Gobernuko departamentuetako zenbait kide ere izan dira. Plan horretan Foru Komunitateko ijitoekin dauden esku-hartzeen jarraibideak ezartzen dira, eta populazio horren egoerari buruzko diagnostiko bat ere barnean hartzen du.