Astearte honetan, maiatzak 1, amuarraina eta izokinaren arrantza-denboraldia hadiko da Goi Izokin Eskualdean (Arakil-Larraun, Arga-Iltzama, Baztan-Bidasoa, Ega-Urederra, Eska-Salazar, Irati-Erro eta Oria-Urumea ibaien arroak). Gainera, espezie horietan ere uzten da itsas amuarraina, kolaka, lazuna eta platuxa harapatzea ere.

Bestalde, amuarraina ekainaren 30a arte arrantzatu ahal izango da Goi Izokin Eskualdeari dagozkion zazpi arroetan. Arrantzale bakoitzak gehienez ere hiru ale hartu ahal izango ditu arrantza-eguneko, eta harrapatutako ale bakoitzaren tamaina gainean eraman beharko duen arrantza-txartelan zehaztu beharko du. Arrantzatu daitezkeen aleen gutxieneko tamaina 23 zentimetrokoa da ubide nagusietarako eta 20koa bigarren mailakoetarako. Gainera, 35 zentimetroak gainditzen dituzten aleak ibaira itzuliko dira.

Izokinak arrantzatzeko, arrantza-lizentzia indarrean izateaz gain, arrantzaleek Nafarroako Gobernuak amuarrainen zazpi arroetarako emandako 27.138 baimenetako bat izan beharko dute. Araudiaren arabera, arrantzale bakoitzak baimen horietako bost erabiltzeko eskubidea du, baldin eta aurrez eskatzen baditu

Baimenak bi txandatan banatzen ari dira. Lehenengoan (apirilaren 16tik maiatzaren 1a bitarte) bi baimen eskatu ahal izan dira. Datorren asteazkenenetik, maiatzaren 2tik, aurrera hiru baimen osagarri eskatu ahal izango dira, baldin eta horretarako aukera badago. Araudiak dioenez, baimen horietako batek gutxienez lanegun baterako izan beharko du.

Orain arte, Nafarroan lizentzia duten 1.632 arrantzalek eskatu dituzte arrantzarako baimenak Goi Izokin Eskualdean. Arrantzarako sistema iraunkorrak 2.723 baimen eman ditu 20102 denboraldirako, kopuru guztiaren % 10. Landa Garapen, Industria, Enplegu eta Ingurumen Departamentuaren estatistiken arabera, % 60 Internet bidez eskatu dira eta, gainerakoa, telefonoz.