2012ko lehen hiruhilekoan, Nafarroaren diru-sarrera fiskalak 641,9 milioi eurora igo zen, eta aitortutako gastu edo betebehar garbiak 845,2 milioi eurokoak izan ziren; beraz, aurrekontu-saldoa - 203,3 milioi eurokoa zen. Kopuru horri kontabilitate nazionaleko doikuntzei dagokiena (+46,2 milioi euro) gehitzen bazaio, 2012ko martxoaren 31n Nafarroaren Aurrekontu Orokorraren finantzaketa-beharra 157,1 milioi eurokoa zela ikusten da, hau da, defizitaren helburua % 0,84an geratuko zen.

2011ko lehen hiruhilekoan gertatutakoarekin alderatuz, diru-sarrerak % 2,7 handitu da, gastuak % 5,9 eta hartutako konpromisoek % 7,6 egin dute behera.

Nafarroako Gobernua 2012ko Nafarroako Aurrekontu Orokorren diru-sarrera eta gastuen hileroko jarraipena publiko egiten hasi da, eta defizitaren helburua betetzearena kontabilitate nazionaleko baldintzetan. Hala azaldu du bigarren lehendakariorde eta Ekonomia eta Ogasuneko kontseilari Álvaro Miranda Simavillak; ekimen honekin Nafarroako Gobernuaren kudeaketa ekonomiko eta aurrekontu-kudeaketaren gardentasuna azpimarratu du. Kontseilariak gaineratu duenez, aurrekontuak kudeatzeko eta kontrolatzeko erabilera handiko tresna izateaz gain, Aurrekontuen Egonkortasunerako eta Finantzen Iraunkortasunerako Legearen eskaerei aurrea hartzea dakar.

Álvaro Mirandak aipatu du Nafarroako Gobernuak emandako pausoak etengabeko hobetze-prozesua ekarriko duela, eta ekimen hori abian jartzen denean, Nafarroako Aurrekontuaren informazio homogeneoa eta eguneratua izatea ahalbidetuko duela, haren barneko kudeaketarako eta baita besteen aurrean behar bezala gardentasunez ikusteko.