Flamarique Ahizpek (María Victoria eta María Encarnación, hurrenez hurren 1929an eta 1930ean jaiotakoak Tafallan) gailurra jo zuten Nafarroako jotaren barnean, eta Espainian nahiz Iberoamerikan kontzertuak eskaini dituzte. 1965ean eta 1966an Espainiako jaialdien irabazle bihurtu ziren eta 1973an jota-eskola bat sortu zuten beren jaioterrian.

José María Goicoechea Aizcorbe (Bera, 1924) apaiza, konpositorea eta abesbatzako zuzendaria da. Musika liturgikoan aritu da eta haurren abesbatzak sortzen (Nafarroako Haur Kantarien eskolania, Liguori abesbatza), eta haiekin sari asko jaso du; jarduera hori abangoardiaren prestakuntza eta ekoizpenarekin batera egin du.

Antonio López García (Tomelloso, 1936) Espainiako pintore aipagarrienetako bat da. 1983an, Arte Ederretako Merezimenduaren Urrezko Domina erdietsi zuen eta 1985ean, Arteetako Asturiasko Printzearen Saria. 1993an, San Fernandoko Arte Ederretako Errege Akademiako kide izendatu zuten; 1998an, Pradoko museoko Errege Patronatukoa; 2004an, New York-eko América Academy of Art and Letters-ekoa.

Pedro Lozano Bartolozzi (Iruñea, 1939) kazetari, idazle eta unibertsitateko irakasle emeritua da. 13 doktore-tesi zuzendu ditu eta doktoretzako 41 epaimahaikidetako kide izan da; nazioarteko politikari eta kazetaritzari buruzko liburuak idatzi ditu, taldekako 47 liburutan egile moduan parte hartu du eta aldizkari zientifikoetako artikuluetan kolaborazio-lanak egin ditu. Vianako Printzea aldizkariaren erredakzio-batzordean izan da ere eta Nafarroako Entziklopedia Nagusian, erredaktore.

Umorista grafiko eta ilustratzaile César Oroz Martijak (Iruñea, 1968) Diario de Navarraren eguneroko bineta egiten du 1991tik. Gainera, umorista grafiko gisa kolaboratzaile aritu da ABC egunkariko igandetako gehigarrian (2006-2010) eta El Jueves umorezko aldizkarian (2005-2011). 2005ean umore grafikoko Mingote Saria jaso zuen, urte horretan Espainian argitaratutako bineta onenaren saria, hain zuzen.