Nafarroako Gobernuak Europako Eguna ospatuko du aurten Pirinioetako Lan Elkarteari (PLE) buruzko jardunaldi batekin, aurtengo edizioa erakunde horretako Nafarroako lehendakaritzarekin bat etorriz.

Xede horrekin, Iruñeko Carlos III.a etorbideak Elkartea osatzen duten eskualde guztien nekazaritzako elikagaien azoka hartuko du: Akitania, Midi-Pyrénées Languedoc-Rousillon frantsesak; Katalunia, Aragoi, Nafarroa eta Euskadi espainiarrak eta Andorrako Printzerria.

Azokak hamabi karpa izango ditu: hamar karpatan nekazaritzako elikagaiak saldu eta dastatuko dira; beste batean, Pirinioetako Lan Elkarteak hura osatzen duten eskualdeei buruzko informazioa eskainiko du eta, azkenik, karpa batean haur eta helduentzako joko nahiz lehiaketak izango dira gaia PLEa hartuz. Azoka maiatzaren 9tik, asteazkena, maiatzaren 12ra, larunbata, bitarte zabalik egongo da 11:00eatik 14:30era eta 17:30etik 20:00ak arte.

Europako Egunak maiatzaren 9 guztietan 1950. urtea ekartzen du gogora; orduan, Robert Schuman-ek proposamena aurkeztu zuen nazioen artean bakea eta lankidetza gordeko zituen Europa antolatu bat ezartzeko, bereziki Frantziaren eta Alemaniaren artean; ekimen hori egungo Europar Batasunaren hazia izan zen.