"Tu idea, mi experiencia" ("Zure ideia, nire esperientza") lelopean abian jarri du Nafarroako Gazteria Institutuak Espainiako aitzindaria den proiektu bat, time programa; haren bidez, harremanetan jartzen dira langabezian dauden gazte ekintzaileak oraindik garatu gabe baina existitzen diren negozio-ideia edo negozio-ildo berrietan interesa duten enpresekin. Gazte ekintzaileek profesional-enpresarioaren laguntza jasoko dute eta baita espezializatutako tutoreena ere enpresen sorrerari lotutako hainbat arlotan; negozio-ideiaren garapena zainduko dute eta haien prestakuntza osatuko dute ekintzailetzako eremuetan. Hala adierazi du gaur goizeko prentsaurrekoan Gazteria Institutuko zuzendari-gerente Miguel Rodríguez Garayar-ek, Gazte Enpresarioen Elkarteko lehendakari Javier Ona-k eta erakunde horretako gerente Iñigo Cortaire-k.

Horrekin kalitatezko enpresa-sarea sortu eta gazteen langabezia murriztu nahi da. Helburu horrekin, gazte ekintzaileak ziurtatutako programa batean parte hartuko du, eta enpresa-kudeaketan abilidade ekintzaileak nahiz funtsezko ezagutzak emango dizkio. "Time" programak 5 hilabetez iraungo du (2012ko ekainetik urrira) eta enpresa berri baten sorrerarekin eta abian jartzearekin amaituko da.

Programa honen zeregina gazteak animatzea da beren lanpostu propioa sor dezaten, enpresa sustatzaileen babesa izanik. Gazteek doan egin ahal izango dute enpresan espezializatutako eta 12.000 eurotan balioztatutako prestakuntza-programa hori. Aldiz, `time´ programan parte hartzen duten enpresario nafarrek beren esku izango dute beren negozio-ideia sustatzeko aukera.