Nafarroako Lehendakari Yolanda Barcinak Nafarroak eta Estatuak atzo sinatutako Aurrekontuak Berrorekatzeko Planaren (2012-2014) akordioaren berri eman du gaur goizean, eta gogora ekarri du Foru Komunitateak hartutako konpromisoa kontu publikoen defizit-helburuak betearazteko orduan. Lehendakariarekin batera izan da, bigarren lehendakariorde eta Ekonomia eta Ogasuneko kontseilari Álvaro Miranda.

Aurtengo defizit publikoaren helburu hori atzo % 1,5ean finkatu zen autonomia erkidegoentzat Madrilgo Politika Fiskalaren eta Finantzarioaren Kontseiluaren bilkuran; erkidego guztientzat 18.000 milioi euro baino gehiagoko gastu publiko guztiaren doikuntza esan nahi du. Esparru horren barnean, Nafarroari dagokion doikuntza 73 milioi eurokoa da.

Barcina Lehendakariak gogora ekarri du Nafarroak iazko azken seihilekoan defizitari eusteko egindako ahalegin handia; horri esker, 2011ko ekitaldia % 1,89ko defizitarekin amaitu zuen, hau da, % 39 murriztuz, eta gogora ekarri du ere bere Gobernuak duen betebeharra eta erantzukizuna gastu eta diru-sarreren bilakaera zaintzeko. Esparru horretan, aurtengo lehen seihilekorako diru-sarrera fiskal txikiagoa hauteman izanak ekarri du: Gobernuak osatzen duten bi alderdiek, UPN eta PSN, aurrekontuen neurri-sorta bat hitzartzea, eta hura Nafarroako Gobernuak aste honetan onetsitako foru-legearen proiektu batean islatu da.

Lehendakariak gogora ekarri du ere, Standard and Poor's kalifikazio-agentziak Nafarroako zorraz duen balorazio ona; agentzia horrek Nafarroako kontu publikoen fidagarritasuna Espainiakoarena baino bi maila gorago kokatzen du , eta lau maila gorago kaudimen-indizetik; horrek Foru Komunitateari uzten dio kanpo-finantzaketa lortzen interes baxuagoetan, Espainiako zorrarentzat eta beste autonomia erkidegoen zorrarentzat merkatuan dauden interesen azpitik.

Lehendakariak adierazi duenez, "neurri horiek uste osoz eta beharragatik hartzen ditugu eta hori egitean foru-erregimena defendatzen dugu, baina eztabaida, orain, ez da juridikoa ekonomikoa baizik eta egonkortasuna da behar duguna egoera honetatik atera ahal izateko".

Nafarroaren Aurrekontuak Berrorekatzeko Planerako Estatuarekin atzo akordioa sinatu zuen lehendakariorde eta Ekonomia nahiz Ogasuneko kontseilari Álvaro Mirandak "historikotzat" jo du Politika Fiskalaren eta Finantzarioaren Kontseiluaren bilkura; izan ere, adierazi duenez, "autonomia erkidegoek konpromiso irmo eta adostua hartu dugu defizitaren inguruan, iaz egin ez zena".