Ekimen hau sortu zen 2012ko egoera ekonomikoa zaila dela egiaztatu ondoren, atzeraldi ekonomikoaren aurreikuspen makroekonomikoak eta enpleguaren galeraren aurreikuspenak ikusita. Baina uste oso batekin ere jaio da, hau da, enpresario, ekintzaile, autonomo eta langile nafar guztiek esku artean duten guztia egiten dutela eta hala egiten jarraituko dutela, bakoitza bere esparruan, krisiari aurre egiteko. Hori dela eta, Nafarroako Gobernuak interes berezia du ekimen honi ekitea foru-geografia guztiko ekoizpen-sektore ezberdinetako 37 enpresei entzunez eta haien proposamen, ahalegin eta ekimenak gizarte guztiaren aurrean eredu gisa jarriz. Enpresa horiek konpainia multinazional handien, familien ETEen, saltoki, ostalari, ekintzaile, kooperatiba eta gizarte-laneko enpresen ordezkari direnak.

Nafarroako Gobernuaren eta enpresarioen ordezkariek ondorioztatu dute gizarte guztian sortu den krisi ekonomikoak eta aurrekontu-zailtasunek ez dutela zertan inolaz ere ezkortasun eta paralisirako kausa izan behar, pizgarri baizik lan gehiago eta hobeto egiteko, eta ahal diren lankidetza-bide guztiak bilatu eta aurrera eramateko Administrazio Publikoaren, enpresen, langileen eta Nafarroako gizarte guztiaren artean.

Horren adibide, bilkuran parte hartzen duten enpresek beren proiektuetan egiten ari diren neurri eta inbertsioak azaldu dituzte. Abian jarri dituzten proposamenen artean egiten ari diren apustu eta inbertsioa nabarmendu behar dira: nazioartekotzeko, berrikuntza eta ikerketarako, patente berriak sortzeko, kalitatea hobetzeko, sinergiak beste enpresa batzuekin inplementatzeko, bezero berriak fidelizatzeko kanpainak abian jartzeko, langileekiko komunikazioa hobetzeko, dibertsifikaziorako, bezeroei arreta emateko ahalegin handigoa egiteko, edo Nafarroa marka bultzatzeko.

Nafarroako Gobernuak, berriz, konpromisoa hartu du krisiari buelta emateko enpresak, ekintzaileak, autonomoak eta langileak egiten ari diren ahalegin nahiz ekimenen pare egoteko. Hori dela eta, ekonomia eta enplegua suspertzeko ekimenak abian jartzen jarraitzeko konpromisoa hartu du. Alde horretatik, gogora ekarri ditu: ETEentzat langileak kontratatzeko laguntzak iragan asteazkenetik indarrean daudenak; ekonomia suspertzen lagunduko duten azpiegitura eta proiektu estrategikoetako inbertsioa arintzea, eta konpromiso irmoa enpresa-proiektuen izapide administratiboa arintzeko ahaleginak areagotzeko.

Egunotan, Nafarroako Gobernua plan zehatz bat diseinatzen ari da Nafarroako ekonomia eta enplegua dinamizatzeko; 20 milioi euroko plana da eta Enplegu Plana sinatutako eragile ekonomiko eta sozialen eskutik eta Moderna Planaren etorkizunari begira, finantzaketa hobetzeko neurri pizgarriei eutsiko diete honako hauen bidez: abalak, nazioartekotzea, gazteen langabeziaren aurkako neurriak, etxebizitzen eta birgaitzeen merkatua dinamizatzea eta I+G+B.