Guztira, 233 enpresak, erakundek eta partikularrek bat egin dute iragan astelehenetik eta gaur ostirala, eguerdira arte "Buelta eman nahi diogu" kanpainarekin. Kanpaina hori Nafarroako Gobernuak eta Nafarroako enpresa-talde batek sustatu dute krisi ekonomikoa gainditzeko ahaleginak batu eta gehitzeko xedez

Ekimenean sartu direnen artean, hogeita hamar bat enpresa handi daude, nahiz eta gehienak enpresa txiki eta ertainetakoak diren, bai eta profesional nahiz langile autonomoak, bereziki zerbitzuen sektorekoak; hala ere, badira industriako tailer eta negozioak eta nekazaritzako elikagaien nahiz eraikuntzako sektoreetako ETEak. Gainera, hogei bat pertsonak izena eman dute maila partikularrean.

Jarduera-motari dagokionez, barietate handia dago, nahiz eta nagusi diren (hogeita hamar) era guztietako aholkularitza-zerbitzuak: ekonomikoak, lan-arlokoak, merkataritzakoak, logistikakoak…

Ia kopuru horretara heltzen da teknologia berrien, komunikazioaren eta publizitatearen taldea, eta atzetik datoz hainbat sektoretako bulego profesionalak: abokatuena, medikuntzakoa, arkitekturakoa… Turismo-sektoreko hamar bat ETE ere izan dira, eta beste hainbat merkatari ere. Sartu diren beste batzuk elkarteetakoak dira (17) eta maila apalagoan, erakunde publikoetakoak eta hedabideetakoak.

Udalerriei dagokienez, 132 bat-egite Iruñetik datoz, 14 Tuteratik eta gainerakoa oso banatuta dago foru-lurralde guztiko 44 udalerritan.