Standard & Poorskreditu-agentziak gaur berretsi du "A" kalifikazioari eusten diola Nafarroaren zorrerako, iragan maiatzean jendaurrean egindako aurrerapenaren ondoren eta Espainiako zorraren rating-aren argitalpenarekin bat etorriz, BB+ mailan geratu zena. Horrek esan nahi du Nafarroak Espainiako autonomia erkidegoei emandako kalifikazio onena jaso duela eta Espainiari emandakotik bi maila gorago jarraitzen duela.

Nafarroako Gobernuak irizten duenez, kalifikazio horrek Nafarroarentzat aparteko garrantzia duen balioa du, ematen den kreditu-kalifikazioen etengabeko beherapenen testuingurua ikusita, eta beste autonomia erkidego batzuk nahiz era guztietako erakundeak kreditua izateko bizitzen ari diren zailtasunak ikusita.

Standard & Poor´s-en politikaren arabera, autonomia erkidego baten kalifikazioak ezin du inoiz bere Estatuko kalifikazioa baino bi maila gorago egon eta, horretarako, Agentziak kontuan hartu behar du, estre-egoera batean, erkidego horrek bere herrialdekoak baino kreditu-berezitasun sendoagoak izan zitzakeela.

Gainera, Standard & Poor´s-ek nabarmendu duenez, Nafarroaren balorazioa ICL (kreditu adierazgarriaren maila) izenekoaren bidez neurtuta dagoela irizten bada, hura AA- mailan kokatzen da, hau da, Espainiakoa baino 4 maila gorago. Kreditu adierazgarria ez da berez rating bat, baina Agentziak eskualdeetako edo tokiko gobernuek duten berezko kaudimena"-ri buruzko ikuspegia adierazten du,baldin eta beren herrialdearen rating-arekin erlazionatuko ez balitz eta, beraz, rating hori mugatuta edo hertsatuta geratuko ez balitz . ICL sortu zen aztertutako eskualdearen esparru instituzionala eta bere "banako kreditu profil"-a era konbinatuan baloratzetik, barnean hartzen dituena, beste alderdi batzuen artean, bere ekonomiaren balorazioa, bere finantza-kudeaketa, bere aurrekontuko jarduera, bere finantza-malgutasuna, bere zorraren zama eta aurkezten duen likidezia-egoera.

Nafarroaren kasuan, Standard & Poor´s-ek Foru Komunitatearen arlo instituzionalari buruzko aldeko iritzia nabarmentzen du, autonomia fiskal-maila handia bermatzen duena, eta Gobernuari baliabideak ematen dizkiona politika fiskalean jarduera egokitzeko. Gainera, Agentziak Nafarroari ematen dion rating-a honako honetan datza: Espainiakoa baino ekonomia aberatsagoa, lehiakorragoa izatea eta esportaziora gehiago bideratuta dagoena, nahiz eta irizten duen haren hazkunde-ikuspegiak Espainaren mende daudela, hein handi batean.

S&P-k ere finantza-kudeaketa aldeko faktoretzat jotzen du Foru Komunitatea baloratzeko orduan. Berariaz, Agentziak Foru Komunitatearen inguruan publiko egindako jakinarazpean "Nafarroako Gobernuaren erreakzio bizkorra" baloratu du diru-sarreren jaitsieraren aurrean eta hartutako gastu-murrizketak egiteko neurrien aurrean; halaber, berriki 132 milioi euroko desbideratzearen inguruan hartutako erabakia aipatu du zehazki.

Standard & Poor´s-en espero dute 2012an Nafarroak ohiko eragiketen ondoriozko saldoa nulua edo saldo negatibo txikia izatea, eta 2013an pixkanaka suspertzen hastea; gainera, bere txostenean adierazten dutenez, 2014ra arte gehienez ere %3koa izango da.

Era berean, Standard & Poor´s Agentziaren ustez Foru Komunitateak bere aurrekontuaren kudeaketa pixkanaka hobetu ahal izango du, gastua baretuz eta bere diru-sarrerak handituz, eta hartu beharreko neurriak, beharrezkoa izanez gero, Nafarroako ekonomia- eta finantza- berrorekarako planean jasotakoak baino haratago joatea espero du.