Irurita-Elizondo saihesbidea zerbitzuan jarri da gaur goizean, Baztanetik (N-121-B) Iruñea Frantziarekin lotzen duen errepidean, Nafarroako Gobernuak saihesbidea eraikitzeko 13.730.687 euro inbertitu ondoren.

Saihesbide horretan bertan gaur goizean egin den bidea zabaltzeko ekitaldian, Elizondoko glorietan, Sustapen eta Etxebizitza Departamentuko Eraikuntza Zerbitzuko zuzendari Estela Moso-k parte hartu du.

Nafarroako Gobernuaren kalkuluen arabera, Irurita-Elizondo saihesbidean 3.300 ibilgailuk zirkulatuko dute egunero eta orain arte bi udalerri horietako hirigunetik pasatzen zirenak. Saihesbidea eraikitzea Nafarroako errepide-sarean egindako jarduera-talde baten zati da, ibilbide gatazkatsuak kentzeko bideratuta dago, eta jasaten duen komunikabideen garrantziagatik, herritarrei eragozpen eta segurtasun-eza handiak eragiten die.

Irurita-Elizondo saihesbidea Nafarroa Atlantikoko Lurralde Antolamendurako Planean (POT 2) jasotako jarraibideetan ere sartzen da, eta Baztango ibarreko azpiegiturak baliatu nahi ditu herritarrak finkatzeko. Ildo horretan, aipatu behar da bide berri horrek ibar hori Nafarroako gainerako lekuekin egituratzen lagunduko duela eta alboko herrietako erdiguneetarako eta inguruko industrietarako sarrerak hobetuko dituela.

Irurita-Elizondo saihesbidea 5,8 kilometro luze da. Arraiotzeko saihesbidea amaitzen den tokian hasten da eta, mendebaldetik ekialdera, Irurita eta Elizondoren ezkerraldetik doa Elbete inguruan amaitzeko. Bide berri hori N-121-B errepideko lehengo bidearen alternatiba da eta NA-4405 (Oharriz-ko auzoa), NA-4445 (Arrazkazan auzoa) eta NA-4403 (Lekaroz) errepideak zeharkatzen ditu.

11 metro zabal den galtzada batez osatuta dago eta 3,5 metroko bi errai, 1,5 metroko bazterbidea eta 0,5 metroko bernak ditu. Bidea 80 Km/h-ko abiaduran ibiltzeko proiektatu da.

Gainera, eraiki dira: hiru zubi Baztan ibaiaren gainean (93 metro), Tellebiko ubidea (89 metro) eta Artesianako ubidea (88 metro) eta baita behealdeko bost pasabide ere saihesbideko ibilbidean zehar (ganaduarentzat, faunarako eta NA-4405, NA-4445 errepideei eta hiriko bide bati jarraipena emateko).

Saihesbidearen enborrean ere bost glorieta eraiki dira: Arraiotzen, Lekarozen, Elizondon, Elbeten eta N-121-B errepidearen jatorrizko bidearekin lotzen duen tokian. Elizondoko glorietatik 420 metroko adar bat eraiki da Baztanberriko auzoko glorieta batean amaitzen dena.

Gainera, beharrezkoa izan da kaltetuak izan diren zenbait zerbitzu eta zor berriz jartzea. Haietako batzuk 11 linea elektriko dira, telefono- eta gas-zerbitzuko zenbait kanalizazio, hornidura-sareko 10 atxikipen eta saneamendu-sareko beste 3.