Yolanda Barcina Lehendakariak atzo izendatu zituen Nafarroako Gobernuko lehendakariorde eta kontseilari berriak beren karguez jabetu dira gaur goizean Nafarroako Jauregiko Tronuaren Aretoan egindako ekitaldi ospetsuan. Ekitaldia Foru Gobernua osatzen duten gainerako kideen aurrean egin da, Nafarroako agintari nagusiak, haien artean: Parlamentuko lehendakari Alberto Catalán, bai eta kontselari berriek gonbidatutako adiskide eta senitartekoak ere.

Bertan izan da ere orain arte bigarren lehendakariordea eta Ekonomia eta Ogasuneko kontseilari izandako Álvaro Miranda. Mirandari, hain zuzen Lehendakariak "aitorpen oso berezia" egin dio "bere leialtasunagatik eta Nafarroaren alde azaldutako eskuzabaltasunagatik eta egindako lan eskergagatik". Lehendakariak ere "publikoki eta zintzo" kargua utzitako gainerako kontseilarien lana eskertu du.

Yolanda Barcinak bere agerraldian Gobernu berriaren norabideari buruz hitz egin du. "Akordioa eta adostasuna bilatzea izan behar dira Gobernu hau gidatuko duten iparra Nafarroako arazoak konpontzeko eta bereziki lanik gabe dauden ia 50.000 herritarrari soluzioak emateko", aipatu du; jarraian, honako hau erantsi du: "Nafarroa abian da. Nafarroak funtzionatzen du, eta Gobernu honek ezin du minutu bat ere galdu egungo une zail hauetatik sendo ateratzeko borrokan ari den komunitate baten buru jartzeko. Gobernu honek egonkortasun eta laguntza parlamentarioan galtzen duena, kohesioan eta erabakitasunean irabazten du aurrean dugun lanari aurre egiteko".

Ekitaldiaren garapena

Ekitaldia goizeko 11:00etan hasi da Nafarroako Ereserkiarekin. Jarraian, Lehendakariaren foru-dekretuak irakurri dira, atzo sinatu eta gaur Nafarroako Aldizkari Ofizialean argitaratu direnak, eta irakurketa horien bidez izendatzen dira kontseilari berriak.

Nafarroako Lehendakariak iragarritako Gobernuaren birmoldaketarekin bat etorriz, beren karguari zin egin diote: Lourdes Goicoechea Zubelzu-k (Ekonomia, Ogasuna, Industria eta Enplegua), Javier Morrás Iturmendi-k (Lehendakaritza, Juztizia eta Barnea) José Javier Esparza Abaurrea-k (Landa Garapena, Ingurumena eta Toki Adminisrazioa) Jesús Pejenaute Grávalos (Gizarte Politika) eta Luis Zarraluqui Ortigosa-k (Sustapena). Goicoechea kontseilariak formula euskaraz ere erabili du.

Beren karguei zin egin ondoren, Barcina Lehendakariak kontseilari bakoitzari intsignia bana jarri die Nafarroako ezkutuarekin.

Ondoren, Gobernuko lehendakari berrien izendapenari ekin zaio. Lourdes Goicoechea kontseilariak karguari zin egin dio lehen lehendakariorde gisa (gaztelaniaz eta euskaraz), eta Juan Luis Sánchez de Muniáin kontseilariak bere karguari promes egin dio bigarren lehendakariorde gisa.

Ekitaldia Yolanda Barcina Nafarroako Lehendakariaren diskurtso instituzionalaren irakurketarekin amaitu da, eta Nafarroako Jauregiko lorategian Foru Gobernu berriari argazki bat aterata.