Obra horien egikaritzeak lur-mugimendu garrantzitsua ekar dezake (indusketako 2.000.000 metro kubiko baino gehiago egingo dira, lubetako 1.300.000 eta zabortegia osatzeko 1.300.000), bai eta zenbait egitura eraikitzea ere: 135 metroko tunel artifiziala, goialdeko hiru pasabide eta behealdeko beste bi nekazaritzako lau bide eta NA-134 (Ebroko ardatza) salbatzeko eta Valtierrako nahiz haren adarren egungo lotunearen aldaketa; horrek goialdeko seigarren pasabide bat egokitzea ekarriko du.

Halaber, plataforma eraikitzeak Espainiako Sare Elektronikoko (REE) goi-tentsioko linea elektrikoen 1,2 kilometro aldatzea behartu du, 4,2 milioi euroko aparteko gastu batekin. Arrazoi hori dela eta, Castejón-Cadreita azpizati horretako eraikitze-obrak bi fasetan burutuko dira. Haietako bigarrena berrezartzeko lanak amaitzen direnean hasiko da. Lanak burutzeko REEk behar duen denbora ez da kontatuko ABEEak lanak amaitu behar dituen egikaritze eraginkorreko 28 hilabeteetan.

Gogoratu behar da Castejón eta Iruñerri arteko zatia bost azpizatitan banatu zela. Lehenengoa, Castejón-Villafranca, aldi berean, beste bitan banatu zen: Castejón-Cadreita (1-1) eta Cadreita-Villafranca (1-2). Azken hori COMSA SAU eta Construcciones Mariezcurrena SM ABEEari esleitu zitzaion 29.703.040 euroan, hau da, lizitazio-prezioaren gainean % 30 murriztu zen halaber, 28 hilabeteko egikaritze-epe baterako.

Gauzak horrela, gaur arte Nafarroako Gobernuak 62,44 milioi euroko balioan esleitu ditu obrak (1.2 azpizatia, 1.1 azpizatia eta REEaren birjartzea), eraikuntza-proiektuko aurrekontuaren gaineko % 28ko murrizketarekin.

Nafarroako korridoreko gainetako zatiei dagokienez, aipatu behar da irailetik aurrera loturak`euskal y´-rekin duen aukeren azterketa ezagutuko da . Bestalde, Trenbide Azpiegituren Administratzaileak (ADIF) Zaragozarekin lotzeko bidearen proiektua idazten ari da.

PAT eraikita, Nafarroa Madril eta Europa erdialdearen arteko trenbide-korridore laburrenaren zati izango da, eta lotura-ardatzaren barnean geratuko da Frantziaren bidez Europa erdialdearekin eta kontinenteko iparraldeko portu handienekin; horrek Nafarroako lurretan dauden enpresen esportazioak nazioartekotzeko eta hazteko aukerak eskainiko ditu. Nafarroan logistika-sareak sustatzea ere aurreikusten da eta Foru Komunitatean lanpostu berriak sortuko dituen industria berriak jartzea ere.

Alde horretatik, Nafarroa komunitate esportatzailea da, batez ere. 2011. urtea 2.799,9 milioi euroko merkataritza-saldo positiboarekin itxi zuen, hau da, eskualdeko BPGaren % 15. Foru Komunitatea estaldura-tasa handiena duen eskualde espainiarra da (esportazioak inportazioen gainean), zehazki 152,9koa.

2011n, Nafarroak Espainiako esportazio-potentziaren % 3,8ko pisua izan zuen, BPGaren baldintzetan dagokionaren bikoitza baino gehiago (% 1,6), eta bere salgaien eta zerbitzuen % 83,5 Europara esportatu zuen (% 75,5 Europar Batasunera eta % 8ko gehigarria barnean ez dauden Europako herrialdeetara).

Europarako salgaiak PATean garraiatu ahal izango dira, herrialde hartzaileari zuzenean edo itsasoz, Mediterraneoko eta Kantauriko portuekin lotura eginez.

Nafarroako Gobernuan dauden azken datuen arabera, Nafarroak trenez sortzen dituen salgaien % 0,68 soilik esportatzen du (331.699 tona), Espainiak % 1,01 eta Europako batez bestekoa % 17,10ekoa da.

Bestalde, Nafarroak errepidez bere salgaien % 99,32 garraiatzen du (48,2 milioi tona). Aipatu behar da, Espainian errepidez egiten den garraioaren pisua % 91,48ra jaitsi dela eta itsasoz egindakoa % 4,29koa dela. Gainerakoa, trenez egindako garraioa ere kontuan hartuta, airez edo hodiz egiten da. Europaren kasuan, errepidez % 72,50 garraiatzen da; trenez % 17,10; ibaiko garraioan % 5,6 eta hodiz % 4,8.