Etxebizitza-dentsitatea eremu guztia kontuan hartuta 35 etxebizitza ingurukoa da hektareako, 55 hektareako bizitokirako soilik den guneko azalera kontuan hartzen bada, 75 hektareatatik. Taldeentzako etxebizitzak dira, familia bakarreko etxebizitzarik gabe. Ia guztiak behekoak dira gehi 6, 7 edo 8 solairu, eta altuera handiagoko eraikin bereziago bat aurreikusten da zonaldean aurrez zeuden altuera handiagokoen pare geratzeko.

Nafarroako Gobernuak kokapen horren egokitasuna babestu zuen metropoli-inguruneko ekialde-mendebalde loturaren elementu egituratzailea izateagatik; izan ere, unibertsitateetatik eta beste hornidura-area garrantzitsu batzuetatik hurbil dago: ospitaleen gunea, autobus-geltoki berria, AVEren etorkizuneko geltokia edo aireportua. Urbanizazioan paisaia-balioak integratzeaz gain, PSISek bide bat proiektatzen du eskualdeko garraio publikorako eta etxadi guztiek zuzeneko sarrera izango dute Iruñetik aurreikusitako bidegorrirako sarearekin.Auzo bizi, autonomo eta iraunkorra osatzeko, gizarte- eta merkataritza-erdigunerako bi zonalde aurreikusten dira, bi plaza eraikiz. Hirigintzako proiektuak zaborrak jasotzeko sistema pneumatikoa planteatzen du.

PSISen plangintzako lursailak iparraldean Sadar ibaiarekin eta Nafarroako Unibertsitateko campus-eko hegalekin mugatzen dira; ekialdean Zaragozako etorbidearekin eta etorbide horren paraleloan proiektuan dagoen bide berriarekin Nafarroako etorbidearekin lotzen dena; hegoaldean AP-15 autobidearekin; eta mendebaldean Donapeako gainekin eta Eskirotzekin lotura egiten duen NUC bide berriarekin. Ingurunean eskualdeko paisaia-erreserbako bi alde ditu, interes bereziko alde botanikoekin eta mendebaldetik eremua mugatzen duen mendiartearekin.

Proposatutako hiri-egiturak bi egoerari aurre egiten die. Bata Nafarroa eta Zaragozako etorbideen ingurunearena da, eta bertan hirugarren sektoreko eta bizitokien erabilera mistoak zehaztuko dira oinezkoen eskalako barne-espazio bat sortzea ahalbidetuz; bestea, jarduera ekonomikoen ingurunearena da, eta, era horretan, hiri erdira sartzeko ate bat konfiguratu ahal izango da eta Sadar ibaiaren parkea osatu ahal izango da.

Zaragoza etorbide alderako gaineko pasabide bat kendu eta bide alternatibo bat eraikiko da AP-15etik Nafarroa etorbidera sartzeko. Cordovillako jarduera ekonomikoen industrialdeak hiriarekin bat egingo du bizitokien eta zerbitzuen erabilera mistoko gune baten bidez, Sadar ibaiaren ibai-parkearekin eta haren ingurunearekin eta Azpilagaña auzoarekin lotura eginez. PSISek, era horretan, zonalde horretako hirigintza-garapenean dagoen blokeo-egoera konpontzen du duela bederatzi urtetatik Galar eta Iruñeko udalen artean dagoen akordio ezagatik.

Garapeneko beste zonaldea, garrantzitsuena eta azaleraz askoz handiagoa dena, Cordovillako goi-lautadak osatzen du, Galar eta Iruñeko udal.barrutietan ere; bertan PSISek bizitoki eta hirugarren zerbitzuen erabilera mistoak planteatzen ditu, Sadar-ko ibarraren eta Cordovillako Urbanizazioaren artean. Planak Nafarroako Industria Elkarteari (AIN) lotutako teknologia-parke bat proiektatzen du eta parke perimetral handi bat paisaia-erreserbak handitzen dituena eta hirian paseatzeko gune bat sortzen duena (campusetik abiatu eta urbanizazio guztia inguratzen du). Gune horretan espazio libre publikoko ia 300.000 metro koadro gordetzen dira eta 90.000 metro koadro inguru komunitateko ekipamendu publikoetarako (osasuna, hezkuntza, kirola, kultura, erlijioa).