Gaur goizeko ohiko bilkuran, Nafarroako Gobernuak bere Aholkularitza Juridikoari agindua eman dio azter dezan Gobernua ager daitekeen iragan ostiralean "Riau-riau" ospakizuna bertan behera geratzea ekarri zuten gertakarien auzian; Iruñeko Udaltzaingoak irakasle iruindar bati (bigarren hezkuntzako institutu bateko departamentuburu lan egiten du) egotzi dizkio sortu ziren desordena publikoak.

Foru Gobernuak irizten du langile publiko horren jokabidea, poliziaren salaketak baieztatzen badira, "Nafarroako hezkuntza-komunitatearen irudia kaltetzen duela eta zerbitzu publiko guztiarena", eta uste du, gainera, funtzionario horrek azaldutako jokabide publiko horiek "guztiz bateragarriak direla funtzio publikoaren eta irakaskuntzaren jardutearekin"; beraz, aurreratu du akusatua langile publiko gisa ezgaitu dezaten bilatuko duela.

Nafarroako Gobernuak ere Hezkuntza Departamentuari agindua eman dio bigarren hezkuntzako irakasle horri diziplina-espedientea ireki diezaioten.