Ostiral honetan indarrean sartuko da udan zehar urbanizagarriak ez diren lursailetan suaren erabilera arautzen duen foru-agindua eta basoko suteen prebentziorako neurriak ezartzen dituena. Ostegun honetako Nafarroako Aldizkari Ofizialean argitaratzen den arau hori indarrean sartuko da, harik eta udako meteorologia-baldintzak aldatzen diren arte.

Oro har, Nafarroa guztian debekatzen da sua honako leku hauetan erabiltzea: mendian edo baso-lurretan, zuhaitzez edo zuhaixkez beteriko lekuetan, sasitan eta larre nahiz zelaietan. Gainera, baso-hondakinak eta lehorreko nekazaritzako lurrak erretzea debekatzen da (makaldi arrastoak izan ezik, arrazoi fitosanitarioengatik, eta beti Nafarroako Gobernuaren baimenarekin) suteak prebenitzeko eta arrazoi fitosanitarioengatik, eta Gobernuaren baimenarekin). Azkenik, ezin da utzi erretzen ari den objekturik edo sute bat sor dezakeen materialik, ibilgailuetatik jaurtitako zigarro-puntak esaterako.

Halaber, arauak erregulazio zehatzak jartzen ditu Nafarroako bi zonalde klimatikoen arabera, iparra eta hegoa; haien banalerroa honako toki-erakunde hauek mugatzen dute: Ameskoako mugak, Urbasa-Andia, Goñiko ibarra, Ollo, Arakil, Irurtzun, Imotz, Atez, Odieta, Anue, Iragi, Eugi, Zilbeti, Lintzoain, Gerendiain, Mezkiritz, Espinal, Burguete, Garralda, Oroz-Betelu, Garaioa, Abaurrepea, Abaurregaina, Jaurrieta, Esparza, Bidankoze, Erronkari eta Garde.

Hegoaldean sua debekatzen da olgetarako helburuak dituen jardueretarako, baita horretarako prestatutako lekuetan ere eta, iparraldean, sua baimentzen da soilik horretarako prestatutako tokietan, urbanizagarriak ez diren lurretan barne eraikuntzen barnean, baldin eta gutxienez hiru horma badituzte eta eraikuntzako materialeko lurzorua badute edo landaretzarik gabekoa eta txinpartak itzaltzeko tximiniak badituzte.

Beste murrizketa batzuk

Foru-aginduak motordun ibilgailuak eta makinaria erabiltzea debekatzen du ere pistetan eta basoko lanetan, laborantzako lursailetako lanetan eta lasto-multzoak erretzea debekatzen du; azkenik, sua erabiltzeko aparteko baimenak erromeriak, erlezaintza, kanpinak, uztondoak eta kanpamenduko suak direla eta.