Behartutako neurriak

Nafarroako Gobernuak, ordea, ezin du alternatibarik proposatu zeharkako zergei (BEZ eta tabakoaren gaineko zergak), funtzionarioen aparteko ordainsariari eta Administrazioak kontratatutako langileei lotutako neurrietan. Foru Gobernuko zerbitzu juridikoen erabaki dute neurri horiek guztiak oinarrizkoa araudia direla eta, hortaz, nahitaez bete beharrekoak.

Horrekin bat etorriz, Nafarroako Gobernuak ere abenduko aparteko ordainsaria kentzea Lehendakari, kontseilari, zuzendari nagusi eta Foru Administrazioko gainerako goi-karguei ere aplikatuko zaie, bai eta sozietate eta fundazio publikoei ere.

Nafarroako Gobernuak baloratu du zergen igoera nahiz funtzionarioei soldata murriztea neurri "gogorrak" direla eta herritarrentzako ahalegin gehigarri bat ekartzen diela; "herritarrak jada ahalegin handiak egiten ari dira defizit publikoaren aurkako borrokan".

Alde horretatik, Lehendakariak Nafarroak jada hasitako bidetik joatearen aldeko defentsa egin du, hau da, Administrazio Publikoko egitura eta gastu eraginkorra murriztea. Adierazi duenez, huraxe da Nafarroako Gobernuak hasieratik abiatu duen bidea, eta bide horretan jarraitu behar du gastu publikoa benetako diru-sarreretara birbideratzen ahalegintzeko, egiturazko murrizketekin eta gastu eraginkorreko neurriekin.

Halaber, Nafarroako Gobernuko zerbitzu juridikoek ere erabaki dute Estatuak emandako araudia nahitaez betearazi behar dela merkataritza-ordutegiak eta beherapenen aldiak zabaltzeko. Kasu horretan, estatuko arauak jaiegunetan irekitzeko urkila bat adierazten duenez, urtean 10 eta 16 artekoa, Gobernuak Merkataritza Behatokia deituko du; behatoki horretan inplikatutako eragile guztiak ordezkatuta daude, eta bertan neurriaren aplikazioa adostuko da, orain arte egin den bezala. Gaur egun, eta araudi-esparruaren barnean, Nafarroako merkataritza-sektorea autoerregulatu egiten da, 5-8 egun artean zabaltzen utziz jaiegunetan. Autoerregulazioaren eta elkarrizketaren bide hori Nafarroako Gobernuarentzat egokiena da merkataritza-sareari ahalik eta kalte gutxiena eragiteko.

Itun politiko eta soziala

Barcina Lehendakariak iragarri duenez, Nafarroako Gobernuak lanean dihardu itun politiko eta sozial bat proposatzeko Foru Komunitateak Nafarroarentzat nahitaez betearazi beharreko neurriei aurre egin ahal diezaien, baina baita bere politika ekonomiko propioa proposatzeko ere gastu publikoari eutsi eta defizita betetzeko helburuarekin; horrekin batera, Nafarroak dituen tresna guztiak berriz antolatzea ekonomia suspertzeko gai diren politika aktiboak egiteko eta, horrekin, enplegua sortzeko.

Alde horretatik, Nafarroako Gobernuak hobari fiskal guztiak aztertzeko lan egingo du, politika ekonomikoaren tresnak berriz antola daitezen eta gehiago bidera daitezen ekonomia eta enplegua sortzeko, zergadun nahiz enpresa guztiak Nafarroan Estatuan baino egoera fiskal hobean izateko babesarekin.

Gainera, itun politiko eta sozial horren barnean, Gobernuak Administrazio Publikoetako egituren murrizketa funtzionamenduko gastu publikoa murrizteko oinarrizko bide gisa jaso nahi du; alderdi politikoen finantzaketaren murrizketa; eta sindikatuetako ordezkarien berrikuspena.

Kontu publikoen kontrola

Barcina Lehendakariak, gainera, lasaitasun-mezua helarazi du Nafarroako kontu publikoen inguruan. Adierazi duenez, Nafarroako Gobernuak diru-sarrerak jaisten hasi zen unetik estrategia bat jarraitu du, egiturazko doikuntzekin eta eusteko neurriekin edo gastu publikoaren murrizketarekin; hala, gastuak diru-sarreren aurreikuspenari egokitzen joan dira.

Nafarroako kontuen egoeraren kontrol horrekin jarraituko da etengabe, eta haren helburua defizitaren helburua bete ahal izatea da eta, gainera, tresnak lehenetsi ahal izatea ekonomia eta enplegua suspertzeko.