Ikus-entzunezkoen Batzordea honako hauek osatzen dute: EHUko Arte eta Teknologiako katedradun eta Plangintza eta Gai Ekonomikoetarako dekanorde Rafael Calderón Blanco-k eta INAACeko zuzendari-gerente eta Navarra Film Commission-eko koordinatzaile Koldo Lasa Aristu-k.

Arte Eszenikoen Batzordea honako hauek osatzen dute: Iruñeko Gayarre antzokiko zuzendari-gerente Gregoria Navarro De Luis-ek eta dantzari nahiz arte eszenikoetako aditu Iñaki Fortún Moral-ek.

Azkenik, Musika Batzordea osatuko dute, Nafarroako Goi Kontserbatorioko zuzendari Julio Escauriaza de las Heras-ek eta musikan aditua den Iñaki Fresán Zaratiegui-k.

Balorazio-irizpideak

Aurkeztutako eskaera berrietarako ebaluazio-batzordeek kontuan hartuko dituzten balorazio-irizpideak honako hauek izango dira:

- Titulu akademiko ofizialari dagozkion merezimendu akademikoak, edo hautaketa-proba bat gainditzea (gehienez ere 20 puntu arte).
- Curriculum vitae-a (gehienez ere 10 puntu arte): beka eskatzen den diziplinari lotutako lehiaketak, erakusketak, sariketak, emanaldiak.
- Ikasketa-programaren kalitatea eta interes artistiko eta teknikoa, bai eta hautatutako zentroaren garrantzi akademiko eta artistikoa (gehienez ere 20 puntu arte honako era honetan banatuta: 10 puntu arte proposatutako ikasketa-programagatik, eta 10 puntu arte zentroaren garrantzi akademiko eta artistikoagatik).
- Aurkeztutako ikasketa-proiektuaren edo -planaren interesa baloratuko den elkarrizketa, eskatzaileak hari buruz egingo duen defentsa, heldutasun eta prestakuntza integrala, komunikatzeko gaitasuna, motibazioa eta prestutasuna, egokitzeko gaitasuna eta ekimena, sormen-gaitasuna eta lan-esperientzia, egokia bada (gehienez ere 10 puntu arte).
- Entzunaldia/ grabazioa/txostena (gehienez ere 40 puntu arte). Atal horretan grabazioan/txostenean/entzunaldi presentzialean adierazitako sormen-gaitasuna kontuan hartuko da.

Luzapenetarako irizpideak honako hauek izango dira:

- Egindako aurreko ikasturteko batez besteko nota (gehienez ere 20 puntu arte)
- Egindako ikastaroaren oroitidazkia (10 puntu arte).
- Ikasketa-programako kalitate eta interes artistiko eta teknikoa (20 puntu arte).
- Aurkeztutako ikasketa-proiektuaren edo -planaren interesa baloratuko den elkarrizketa, eskatzaileak hari buruz egingo duen defentsa, heldutasun eta prestakuntza integrala, komunikatzeko gaitasuna, motibazioa eta prestutasuna, egokitzeko gaitasuna eta ekimena, sormen-gaitasuna eta lan-esperientzia, egokia bada (gehienez ere 10 puntu arte).
- Entzunaldia/ grabazioa/txostena (gehienez ere 40 puntu arte). Atal horretan grabazioan/txostenean/entzunaldi presentzialean adierazitako sormen-gaitasuna kontuan hartuko da.

Onartuei egindako entzunaldiak eta elkarrizketak

Deialdian onartuak izan diren eskatzaileak, 20 minutuz elkarrizketatuak izango dira, gutxi gorabehera, eta bertan batzordearen aurrean ikasketak zabaltzeko beren proiektua defendatu beharko dute. Entzunaldiak eta elkarrizketak Musikaren Hirian eta Dantza Eskolan egingo dira abuztuaren 3tik 8ra.

Gainera, Arte eszenikoetan eta Musikan beka-eskatzaileek entzunaldi bat egingo dute dagokien batzordekideen aurrean. Lehenengoek egin beharko dute, dantza klasiko, garaikide, espainiar edo flamenkoaren eskola bat nahiz bariazio librea, eta haietara beharrezkoa duten musikaren laguntza eramango dute CD formatuan. Arte eszenikoetakoek 15-30 minutu arteko antzezlan bat egin beharko dute. Hura aurrera eramateko beharrezkoa duten materiala eramango dute. Eszena-zuzendariek, nolanahi ere, grabazio bat aurkeztu beharko dute beraiek zuzendutako obrekin.

Musika mailako eskatzaileek 15 eta 30 minutuko pieza bat edo batzuk interpretatu beharko dituzte. Interpretatu beharreko eta haien fotokopia baten dagokien laguntza eramango dute, egokia bada,

Azkenean, arte plastikoen eta ikus-entzunezko arteen arloetan bideoan egindako grabazio bat aurkeztuko dute, 20-30 minutu artekoa, eta bertan hautagaiak interpretazio edo aurkezpen bat egingo du beka eskatu duen espezialitate artistikoaren arabera. Arte plastikoen espezialitateen kasuetan, argazki-txosten batek bideoa ordeztu ahal izango du, euskarri digitalean, 100 eta 220 argazki artekoa.

Beka eta luzapenak Vianako Printzea Erakundea-Kulturako Zuzendari Nagusiaren Ebazpen bidez emango dira. Beka jasotzeak berekin dakar onuradunak Vianako Printzea Erakundea-Kulturako Zuzendari Nagusiaren zabalkunde artistikoko programei laguntza ematea, bi aldeek aurrez akordioa lortu ondoren, baldin eta lankidetza horrek ikasketen garapen normalari eragiten ez badio. Xede horretarako, abenduaren 27 eta 28an, Baluarteko Auditorioko Ganbera Aretoan bekadun guztiek emanaldia eskainiko dute.