Nafarroako Gobernuak tokiko 21 erakunderi 400.000 euroko diru-laguntza emango die Foru Komunitateko 23 ikastetxe publikotan hobekuntza- eta birmoldaketa-obrak egikaritzeko. Haiek guztiak Haur eta Lehen Hezkuntzako (Lehen Hezkuntza-DBH) bigarren zikloko mailei dagozkie, Nafarroako Aldizkari Ofizialean (NAO) gaur argitaratu den 242/2012 ebazpenak jasotzen duenez.

Erakunde onuradunak honako hauek izan dira: Altsasu (21.285,43 euro), Agoitz (18.897,93 euro), Aranguren (24.648,28 euro), Azagra (1.813,67 euro), Baztan (5.859,13 euro), Berbintzana (4.538,36 euro), Funes (2.812,07 euro), Irurtzun (50.000 euro), Ituren (3.540 euro), Legasa (Bertizarana, 5.239,24 euro), Leitza (50.000 euro), Mendabia (26.422,15 euro), Olazti (50.000 euro), Iruñea (27.511,5 euro), Azkoien (905 euro), Erronkari (3.799,21 euro) , San Adrián (4.914,55 euro), Sartaguda (31.722,38 euro), Tutera (19.712,27 euro), Luzaide (19.444,81 euro) eta Atarrabia (26.934,02 euro).

Berrikuntzak egingo diren ikastetxeak honako hauek dira: Altsasuko Navarro Villoslada HI, Agoitzeko San Miguel HI, Arangurengo San Pedro HI, Azagrako HI, Erratzuko HI Baztanen, Berbintzanako HI, Funesko Elías Teres HI, Irurtzungo Atakondoa HI, Iturengo HI, Legasako HI, Leitzako HI, Mendabiako DBHI, Olaztiko Domingo Bados HI, Víctor Pradera HI (20.500,70 euro) eta Iruñeko San Juan de la Cadena HI (7.010,80 euro), Azkoiengo Juan Bautista Irurzun HI, Erronkariko Julián Gayarre HI, San Adriángo Antso X Jakituna HI, Sartagudako Nuestra Señora del Rosario HI, Tuterako San Julián Mendia HI (17.174,27 euro) eta Griseras HI (2.538 euro), Luzaideko HI eta Atarrabiako Atargi HI.

Zenbatekoek kasu gehienetan jardueren kostuaren % 60ri (BEZ kanpo) emango diote laguntza, 2012ko uztailaren 30a baino lehen hasi beharko direnak eta azaroaren 1erako egikaritu beharko direnak, organo eskudunak onartu beharko dituen justifikatutako salbuespenak salbu.