Onartutako plan berriak onura garrantzitsuak dakartza, proiektu guztiaren energia-balantzea hobetzen eta CO2 isurketak murrizten baititu, nekazarien kontuak hobetzen ditu eta ureztatze lehiakorrago batzuk errazten ditu, agorraldiko ibai nafarren ur-kalitatea hobetzen du eta Uraren Esparru Zuzentarauaren kalitatezko helburuak betearazten uzten du, 2015etik nahitaezkoak direnak.

Lehen faseko zabaltzeari hornidura emango dion Ubideko adarrean egingo den inbertsioa 42,5 milioi euro ingurukoa izango dela kalkulatzen da. Nafarroako Ubidea egiteko izenpetutako hitzarmenean jasotzen denez, obren finantzaketa honako era honetan finkatu zen: % 50 baliabide publikoekin Canasa sozietate publikoak kapital sozialari egindako ekarpenaren bidez (Estatuak % 60 jartzen du eta Nafarroak % 40) eta gainerako % 50 bankuei emandako maileguen bidez. Ondorio horietarako, kapital-zabalkundea egingo da 2014an eta 2015ean Estatuak izenpetuko duena 12,8 milioi euroko ekarpenarekin eta Nafarroako Foru Komunitateak egindako 8,5 milioi euroko ekarpenarekin; hori guztia, aurrekontuek ematen dituzten aukeren arabera.

Nafarroako Ubidearen bigarren faseko inbertsio-zifrari dagokionez, idatzitako eraikuntza-proiektuarekin eguneratuko da.

Nolanahi ere, egungo finantza-merkatuaren egoerak kontuan hartuz eta etorkizunean izan dezakeen bilakaera, bi administrazioek Canasaren finantza-gaitasuna etengabe aztertuko dute; hala, inbertsioak egikaritzeko erritmoa haren finantzagarritasunaren araberakoa izango da.

Nafarroa-Estatua batzordeak ere erabiltzaileen tarifak aldatzea erabaki du. 2019ra arte KPIarekin eguneratuko dira urtean behin. 2020, 2021 eta 2022 urteetan % 5 igoko dira KPIaz gain, eta 2022tik aurrera KPIren urteko igoeretara itzuliko da. Azkenik, kontratuaren hogeita hamaikagarren urtetik aurrera, Ubidea ustiatzeko eta kontserbatzeko finkatuko den tarifa bakarrik ordainduko da.

Baita ere erabaki da, Nafarroako Gobernuak Canasa sozietate publikoari gehienez ere 77 milioi euro aurreratuko dizkiola 2013 eta 2026 urteen artean Ubideko erabiltzaileen etorkizuneko erabileraren edo etorkizuneko erabileren balioagatik. Canasak Nafarroako Gobernuari fintzaketa hori itzuliko dio 14 urtetako beste aldi batean, 20127 eta 2040 artean, urtean % 3ko interesarekin.

Nafarroako Ubidearen eraikuntza, haren lehen eta bigarren faseetan, Estatuak eta Nafarroako 1988an sinatu zuten protokolo orokorra dute jatorrian, 1998ko urriaren 19an sinatutako Hitzarmenean. Harrezkero, aldian behin Nafarroa-Estatua jarraipen-batzordeak bilkurak egin ditu; azkenekoa, 2010eko maiatzaren 4an. Nafarroako Ubidearen lehen fasea 2011ko martxoan inauguratu zen.