Yolanda Barcina Nafarroako Lehendakariak eta Jesus Pejenaute Gizarte Politikako kontseilariak 17 neska-mutil sahararrek eta haien abegi-familiak osaturiko taldea hartu dute Nafarroako Jauregiko Tronu aretoan udako hilabeteetan familia nafarrekin elkarbizi diren 126 adin txikikoren ordezkaritza gisa.

Partaide diren "Oporrak bakean" programa Saharako Lagunen Nafarroako Elkarteak (ANAS) antolatu du gaztetxo horiei bakezko eta tolerantziazko bizikidetza-inguruneak eskaintzeko.

Ekitaldi horretan izan dira Ahmed Salama, Herri Sahararrak Nafarroan duen ordezkaria eta Carol Garcia Pellejero, ANAS elkarteko idazkaria ere; horiek ere hitz batzuk eskaini dizkie bertaratuei. Ondoren, Sidahmed-Rgueibi Brahim Moulud izeneko mutikoak hartu du hitza eta bere eta bere kideen izenean abegi-familiek eskaini dieten maitasuna eta borondatea eskertu ditu.

"Oporrak bakean" programak Tinduf-eko errefuxiatu-kanpamenduan (Aljeria) bizi diren 8-12 urte bitarteko 126 neska-mutil ekarri ditu aurten Foru Komunitatera. Horietatik 117 adin txikiko Nafarroa osoko udalerrietan bizi diren abegi-familietan daude eta horietatik %50 inguru aurreko urtetan ere etorri izan dira programa horren baitan. Ezgaitasunak dituzten beste bederatzi haurrek beren egonaldia Berriozarko eta Aurizko zentro espezializatuetan egingo dute begiraleek artatuta.