Nafarroako Gobernuak Gazteriaren Sariak 2012rako deialdia onartu du, Foru Komunitateko gazteen gizarte-partaidetza, autonomia eta bizi-kalitatea hobetzen laguntzen duten pertsonen eta taldeen (pertsonak, elkarteak, eta erakunde publikoak edo pribatuak) ibilbideak eta lanak saritzen dituztenak.

Gazteari Sariak 14-30 urte bitarteko Nafarroako pertsona gazte bat sarituko du, elkartasuna, ahalegina, lana, tolerantzia, kulturartekotasuna, nazioarteko mugikortasuna, bizimodu osasungarria eta antzeko baloreak agerian uzten dituen ibilbide pertsonala duena eta beste zenbait gazterentzako eredu izango dena. Gazteari saria bakarra izan daiteke edota bi ere eman ahal izango dira bereizketarik gabe: bat balore horiek guztiek bat egiten dutela nabarmentzeko eta, bestea, espezifikoagoa, balore jakin bat nabarmentzen duena.

Bestalde, Gizarte-partaidetzaren sariarekin erakunde bat, publikoa edo pribatua nahiz tokiko erakunde bat, nortasun juridikoa duena eta egoitza Nafarroan duena nabarmenduko da, gazteen alde egindako lana, haien gizarte-partaidetza, autonomia edo bizi-kalitatea hobetzen lagundu izana bere jarduerak gazte nafarrei zuzendu dizkiena edo, gutxienez, lehentasuna haiei ematen diena nabarmenduz.

Nafarroako Kirol eta Gazteriaren Institutuak sari bat edo gehiago emateko aukera gordetzen du gazteriaren alorrean eragina duten gertaera garrantzitsuengatik aipamen berezia egin ahal izateko. Sari batzuk eman gabe ere gera daitezke.