Nafarroako Gobernuak atzeratu egingo du Donapeako Udalaz Gaindiko Eragina duen Plan Sektorialaren (UEPS) behin betiko onarpena Lanbide Heziketako etorkizuneko campusaren behin betiko kokapenari buruzko akordioa bilatzeko, zeina, San Jose ikastetxe zaharrean, Iruñeko Echavacoiz auzoan, dagoen proiektatuta.

Horretarako, datorren astean, Nafarroako Alderdi Sozialistarekin (PSN-PSOE) kontaktuak hasiko ditu eta irailaren 10era atzeratuko du datorren astelehenerako, abuztuak 13, aurreikusita zegoen Lurralde Antolamendurako Batzordearen (LAB) bilera.

LAB Lurralde-Antolamenduaren alorrean Foru-Administrazioak duen organo aholku-emailea eta koordinaziorakoa da. Horrek emandako aldeko txostena nahitaezkoa da Exekutiboak UEPS bat behin betiko izaeraz onartu dezan.

Gogorarazi behar da Nafarroako Gobernuak pasa den uztailaren 25ean onartu zuela planaren hasierako UEPS. Etorkizuneko campusak egun Nafarroako Osasun Eskola Tekniko Profesionalak (NOETP) eta Donapea LHI-k ematen dituzten ildoak barnebiltzea eta 1.550 ikasle inguru hartzea dago aurreikusita, zeintzuei, gutxienez, LH-ko 28 titulu eskainiko zaizkien. Proiektu honetan 25 milioi euro inbertitu dira, zeina, neurri batean, egun Donapea LHI-k okupatzen duen partzela Ikerketa Mediko Aplikatuko Fundazioari (FIMA) salduta lortutakoarekin estaliko den.

LABko lehendakaria Luis Zarraluqui Sustapen kontseilaria da eta Nafarroako Gobernuko teknikariek eta Nafarroako tokiko erakundeetako, Euskal Herriko Arkitektoen Elkargo Ofizialeko, Nafarroako Eraikitzaileen eta Sustatzaileen Elkarteetako eta Nafarroako Merkataritza eta Industria Ganberako ordezkariek osatzen dute.