Ekainaren 21etik 23ra bitarte Santanderren egindako `Buruko gaixotasunen fase goiztiarrei buruzko 10. nazioarteko bilkura´-k poster onenaren Gazte Zientifikoen saria eman die honako hauei: ikerketako neuropsikologo Ana Mª Sánchez Torres-i eta Nafarroako Ospitale Guneko Psikiatra Zerbitzuko Lucía Moreno Izco, Elena García de Jalón Aramayo, Marisol Campos Burgi eta María Zandio Zorrilla psikiatrei.

Saritutako lanaren titulua "Miaketa neuromotorrak balio dezake PEP gaixoen funtzionamendu psikosozialari eragiteko?" eta lan hori Manuel J. Cuesta Zorita eta Víctor Peralta Martín (NOGko Psikosiaren Ikerketa Unitatea) medikuek zuzendutako ikerketa-proiektu zabalago baten barruan dago.

Psikiatriako hainbat kongresu nazional eta nazioartekoetan azken urte honetan ikerketa-talde horrek jasotzen duen bigarren saria da gainera, eta azken zazpi urteotako laugarrena.

Psikosia psikiatriako gaixotasun larrienen artean dago eta bertan sartzen dira: desoreka eskizofrenikoak, nahasmendu bipolarrak eta beste psikosi batzuk. Haren jatorria eztabaidatzen da oraindik, baina ebidentzia zientifiko handiak daude diotenak, etorkizuneko gaixoaren sorreraren lehen hilabeteetatik neurogarapeneko prozesuetan nahasten den elkarrekintza genetiko eta ingurumeneko batengatik garatzen direla. Haren adierazpen klinikoak gaztea denean azaltzen hasten dira edo heldutasunaren hasieran honako era honetan:eldarnio eta haluzinazio forman, komunikatzeko gaitasuna galduz eta gog-aldartea biziki aldatuz. Gaixo batzuen kasuan, psikosiarekin batera, erikortasun eta kronikotasun handia agertzen dira, familia-zama handia sortuz ager daitekeen hondatze psikosoziala dela eta.

Aurreko ikerketetan ikusi zen gaixoek seinale neurologiko arinak aurkez ditzaketela gaixotasunaren hasieran, esaterako: aldaketak motrizitatearen koordinazio eta integrazioan, baina baita mugimendu ez ohikoak ere, dardara eta zurruntasuna; azken seinale horiek beste prozesu mediko batzuen bereizgarri dira, Parkinson gaitzarena adibidez.